Sveitarstjórn Múlaþings samþykkti endurskoðaða húsnæðisáætlun til næstu 10 ára á fundi sínum þann 17. janúar síðastliðinn. Áætlunin er unnin í samræmi við reglugerð um húsnæðisáætlanir sveitarfélaga frá 2018.
Hlutverk húsnæðisáætlana er að draga fram mynd af stöðu húsnæðismála í sveitarfélögum, greina framboð og eftirspurn og setja fram áætlun um hvernig sveitarfélagið ætlar að mæta húsnæðisþörf til lengri og skemmri tíma. Megin markmiðið er að stuðla að auknu húsnæðisöryggi.
Í áætluninni er farið yfir:
- Mannfjöldaspá og lýsingu á atvinnuástandi eftir kjörnum sveitarfélagsins, áætlaða íbúðaþörf eftir búsetuformum og markmið sveitarfélagsins varðandi uppbyggingu.
- Þá er gerð grein fyrir þjónustu og innviðum á borð við skóla og hjúkrunarrými.
- Einnig er ljósi varpað á áætlanir um skipulag lóða og svæða til næstu ára og stöðu þeirra í skipulagsferlinu.
- Að lokum eru markmið sveitarfélagsins í lóðamálum listuð auk íbúða í byggingu.
