Mikil ófærð er víða í Múlaþingi í dag.
Skólahald fellur niður í Egilsstaðaskóla, Fellaskóla, Brúarásskóla og Seyðisfjarðarskóla.
Reynt verður að halda aðalgötum opnum í dag en fólki er ráðlagt að draga úr ferðum sínum og ekki er talið fólksbílafært.
Strætó mun reyna að fara fyrstu ferðir á Egilsstöðum og Fellabæ en óljóst með framhaldið síðar í dag.
Tilkynning frá aðgerðastjórn á Austurlandi
Vegna mikillar snjókomu á Austurlandi í nótt eru íbúar hvattir til að halda sig heima við. Snjóflóð féll í Norðfirði og verið að skoða aðstæður á öðrum stöðum og þéttbýliskjörnum einnig.
