Ungmennaráð Fljótsdalshéraðs

88. fundur 02. apríl 2020 kl. 16:00 - 16:45 í fjarfundi
Nefndarmenn
  • Almar Aðalsteinsson aðalmaður
  • Einar Freyr Guðmundsson aðalmaður
  • Elísabeth Anna Gunnarsdóttir aðalmaður
  • Guðrún Lára Einarsdóttir aðalmaður
  • Krista Þöll Snæbjörnsdóttir aðalmaður
  • Kristbjörg Mekkín Helgadóttir aðalmaður
  • Sveinn Björnsson aðalmaður
  • Unnar Aðalsteinsson aðalmaður
  • Valþór Gauti Þórhallsson aðalmaður
  • Þórunn Bylgja Borgþórsdóttir starfsmaður
Fundargerð ritaði: Bylgja Borgþórsdóttir verkefnastjóri íþrótta- tómstunda- og forvarnarmála

1.BRAS 2020

Málsnúmer 202003114Vakta málsnúmer

Fyrir liggur tölvupóstur frá Óðni Gunnari Óðinssyni varðandi fulltrúa ungmennaráðs í undirbúningshóp BRAS, barnamenningarhátíðar.

Fulltrúi ungmennaráðs í undirbúningshópi BRAS verður Valþór Gauti Þórhallsson.

Samþykkt samhljóða.

2.Viðbragðsáætlun Fljótsdalshéraðs við heimsfaraldri inflúensu

Málsnúmer 202003069Vakta málsnúmer

Fyrir liggur viðbragðsáætlun Fljótsdalshéraðs við heimsfaraldri inflúensu.

Ungmennaráð minnir á að líklegt er að ungmenni fái ekki í jafn ríkum mæli störf í ferðaþjónustu og annarri þjónustu í ár, líkt og verið hefur, og vonar að sveitarfélagið leitist við að veita sem flestum ungmennum störf í sumar.

Samþykkt samhljóða.

3.Miðbær Egilsstaða

Málsnúmer 200812035Vakta málsnúmer

Fram fóru umræður um miðbæ Egilsstaða.

Ungmennaráð Fljótsdalshéraðs veltir fyrir sér eftirfarandi:
- Er búið að samþykkja tillögu að nýju miðbæjarskipulagi á Egilsstöðum?
- Er áætlað að hefja framkvæmdir við miðbæinn í sumar, þá sérstaklega framkvæmdir við Grenivang?
- Er búið að opna fyrir úthlutun á og/eða er búið að úthluta lóðum skv. þessari skipulagstillögu?

Samþykkt samhljóða.

4.Áskorun á bæjarstjórn Fljótsdalshéraðs

Málsnúmer 202003125Vakta málsnúmer

Ungmennaráð hvetur bæjarstjórn Fljótsdalshéraðs til að kanna alla möguleika til þess að styðja við bakið á heimilum og fyrirtækjum á þessum fordæmalausu tímum, til að mynda með því að auka fjölbreytni atvinnumöguleika fyrir ungt fólk og með því að skoða tímabundna lækkun eða niðurfellingu skatta og gjalda.

Samþykkt samhljóða.
Meðlimir ungmennaráðs staðfesta fundargerð með tölvupósti, starfsmaður ritar undir staðfesta fundargerð.

Fundi slitið - kl. 16:45.