Alþingiskosningar 2016

Málsnúmer 201609048

Vakta málsnúmer

Bæjarráð Fljótsdalshéraðs - 355. fundur - 19.09.2016

Lagður fram tölvupóstur frá Sambandi íslenskra sveitarfélaga, dagsettur 13. september 2016 með upplýsingum um utankjörfundaratkvæðagreiðslu vegna fyrirhugaðra alþingiskosninga haustið 2016.
Þar er þess farið á leit við þau sveitarfélög, sem buðu upp á aukið aðgengi að utankjörfundaratkvæðagreiðslu fyrir forsetakosningarnar sl. vor, að þau geri það líka fyrir komandi alþingiskosningar.

Bæjarráð telur að utankjörfundaratkvæðagreiðslan sem starfsmenn bókasafnsins sáu um sl. vor, hafi tekist vel og mælst vel fyrir. Bæjarráð óskar því eftir að sama fyrirkomulag verði haft við komandi alþingiskosningar.

Bæjarstjórn Fljótsdalshéraðs - 243. fundur - 20.09.2016

Lagður fram tölvupóstur frá Sambandi íslenskra sveitarfélaga, dagsettur 13. september 2016 með upplýsingum um utankjörfundaratkvæðagreiðslu vegna fyrirhugaðra alþingiskosninga haustið 2016.
Þar er þess farið á leit við þau sveitarfélög, sem buðu upp á aukið aðgengi að utankjörfundaratkvæðagreiðslu fyrir forsetakosningarnar sl. vor, að þau geri það líka fyrir komandi alþingiskosningar.

Eftirfarandi tillaga lögð fram.
Bæjarstjórn tekur undir með bæjarráði og telur að utankjörfundaratkvæðagreiðslan, sem starfsmenn bókasafnsins sáu um sl. vor, hafi tekist vel og mælst vel fyrir. Bæjarstjórn óskar því eftir að sama fyrirkomulag verði haft við komandi alþingiskosningar.

Samþykkt samhljóða með handauppréttingu.

Bæjarráð Fljótsdalshéraðs - 357. fundur - 03.10.2016

Lagður fram stofn til kjörskrár, fyrir alþingiskosningarnar 29. október 2016.

Bæjarráð samþykkir að fela bæjarstjóra að láta yfirfara kjörskrárstofninn og að því búnu undirrita hann og leggja fram kjörskrá, skv. lögum og reglum þar um. Kjörskrá skal leggja fram eigi síðar en 19. október.

Bæjarstjórn Fljótsdalshéraðs - 244. fundur - 05.10.2016

Á fundi bæjarráðs var lagður fram stofn til kjörskrár, fyrir alþingiskosningarnar 29. október 2016.

Eftirfarandi tillaga lög fram:
Að tillögu bæjarráðs samþykkir bæjarstjórn að fela bæjarstjóra að láta yfirfara kjörskrárstofninn og að því búnu undirrita hann og leggja fram kjörskrá, skv. lögum og reglum þar um. Kjörskrá skal leggja fram eigi síðar en 19. október.

Samþykkt samhljóða með handauppréttingu.