Kjörskrá Alþingiskosninga 27.apríl 2013

Málsnúmer 201304028

Vakta málsnúmer

Bæjarráð Fljótsdalshéraðs - 230. fundur - 10.04.2013

Lögð fram til staðfestingar kjörskrá Fljótsdalshéraðs fyrir alþingiskosningarnar þann 27. apríl nk.

Eftirfarandi tillaga lögð fram:

Bæjarráð hefur látið taka saman drög að kjörskrá, fyrir komandi alþingiskosningar á grundvelli kjörskrárstofns frá Þjóðskrá Íslands. Bæjarráð staðfestir drögin fyrir sitt leyti og leggur til við bæjarstjórn að kjörskrá verði samþykkt og bæjarstjóra falið að undirrita hana og leggja fram á fundi bæjarstjórnar. Bæjarráð samþykkir að drögin liggi frammi til kynningar frá og með morgundeginum.

Jafnframt verði bæjarráði veitt fullnaðarheimild til að fjalla um athugasemdir, gera nauðsynlegar leiðréttingar og úrskurða um ágreiningsmál sem kunna að koma upp fram á kjördag vegna Alþingiskosninga 27. apríl nk. í samræmi við 27. gr. laga um kosningar til Alþingis.

Bæjarstjórn Fljótsdalshéraðs - 175. fundur - 15.04.2013

Fyrir fundinum liggur til staðfestingar kjörskrá fyrir komandi Alþingiskosningar.

Eftirfarandi tillaga lögð fram:
Bæjarstjórn samþykkir fram lagða kjörskrá með vísan til 22. gr. laga nr. 24/2000 og felur bæjarstjóra að undirrita hana fyrir hönd bæjarstjórnar og leggja fram til kynningar í samræmi við fyrirmæli 26. gr. sömu laga.

Samþykkt samhljóða með handauppréttingu.

Bæjarstjórn Fljótsdalshéraðs - 176. fundur - 17.04.2013

Kjörskráin var afgreidd á aukafundi bæjarstjórnar þann 15. apríl sl.

Eftirfarandi tillaga lögð fram:

Bæjarstjórn samþykkir að veita bæjarráði fullnaðarheimild til að fjalla um athugasemdir, gera nauðsynlegar leiðréttingar og úrskurða um ágreiningsmál sem kunna að koma upp fram á kjördag vegna Alþingiskosninga 27. apríl nk. í samræmi við 27. gr. laga um kosningar til Alþingis.

Samþykkt samhljóða með handauppréttingu.