Íþrótta- og tómstundanefnd

55. fundur 30. september 2019 kl. 07:00 - 09:00 á bæjarskrifstofu á Egilsstöðum
Nefndarmenn
  • Sigurður Gunnarsson formaður
  • Jónína Brynjólfsdóttir varaformaður
  • Dagur Skírnir Óðinsson aðalmaður
  • Þórunn Bylgja Borgþórsdóttir starfsmaður
Fundargerð ritaði: Bylgja Borgþórsdóttir verkefnastjóri íþrótta- tómstunda- og forvarnarmála

1.Fjárhagsáætlun íþrótta- og tómstundanefndar 2020

Málsnúmer 201903185Vakta málsnúmer

Fyrir liggja drög að fjárhagsáætlun íþrótta- og tómstundanefndar fyrir 2020. Jafnframt liggja fyrir áætlanir frá forstöðumönnum þeirra stofnana sem undir nefndina heyra.

Íþrótta- og tómstundanefnd samþykkir fyrir sitt leyti fyrirliggjandi drög að fjárhagsáætlun nefndarinnar fyrir árið 2020.

Íþrótta- og tómstundanefnd leggur jafnframt til að frítt verði fyrir eldri borgara í Héraðsþrek og sund frá og með áramótum.

Þá leggur nefndin til að fjárhagsrammi hennar verði víkkaður þannig að hægt verði að tvöfalda tómstundaframlag sveitarfélagsins, úr 15000 krónum í 30000 krónur, fyrir árið 2020 og útvíkka aldursramma framlagsins fram að 18. afmælisdegi hvers barns.

Samþykkt samhljóða með handauppréttingu.

Gestir

  • Árni Pálsson - mæting: 07:45
  • Guðjón Hilmarsson - mæting: 07:10

2.Starfsáætlun íþrótta- og tómstundanefndar 2019

Málsnúmer 201809104Vakta málsnúmer

Fyrir liggur samþykkt starfsáætlun íþrótta- og tómstundanefndar fyrir árið 2019.

Áætlunin rædd og yfirfarin.

3.Frístundastyrkir

Málsnúmer 201909012Vakta málsnúmer

Fyrir liggur erindi varðandi frístundastyrki sveitarfélagsins sem barst frá Heiðdísi Ragnarsdóttur í Samfélagssmiðjunni Miðvangi 31 þann 29. ágúst 2019.

Íþrótta- og tómstundanefnd þakkar Heiðdísi fyrir erindið og vísar í bókun vegna fjárhagsáætlunar en þar kemur fram að nefndin leggur til tvöföldun á tómstundaframlagi næsta árs og hækkun aldurs í 18 ár.

Samþykkt samhljóða með handauppréttingu.

4.Hjólreiðastígar og utanvegahlaup á Fljótsdalshéraði

Málsnúmer 201905108Vakta málsnúmer

Fyrir liggur áframhaldandi umræða um hjólreiðastíga og utanvegahlaup á Fljótsdalshéraði

Eftirfarandi tillaga var lögð fram á fundi bæjarstjórnar Fljótsdalshéraðs 5. júní 2019:
Í ljósi aukins áhuga íbúa og ferðafólks á útivist og heilsueflandi lífstíl tekur bæjarstjórn undir með íþrótta- og tómstundanefnd og telur rétt að farið verði í greiningu á því hvaða stígar og svæði henta vel til göngu, hlaupa og hjólreiða og mætti kynna sem slíka. Bæjarstjórn felur íþrótta- og tómstundanefnd að vinna áfram að málinu, taka saman upplýsingar og gera tillögu að því hvernig skipuleggja megi verkefnið.

Íþrótta- og tómstundanefnd felur starfsmanni að vinna málið áfram.

Samþykkt samhljóða með handauppréttingu.

5.Málefni líkamsræktar og framtíðarsýn

Málsnúmer 201804111Vakta málsnúmer

Í vinnslu.

6.Eftirlitsskýrsla HAUST - Vilhjálmsvöllur

Málsnúmer 201909090Vakta málsnúmer

Lögð fram til kynningar eftirlitsskýrsla HAUST fyrir Vilhjálmsvöll.

7.Sameining sveitarfélaga

Málsnúmer 201405011Vakta málsnúmer

Íþrótta- og tómstundanefnd hvetur íbúa sveitarfélagsins til að taka þátt í kosningu um sameiningu sveitarfélaga og hvetur bæjarstjórn til að tryggja gott aðgengi allra að kjörstað og minna á atkvæðagreiðslu utankjörfundar á Bókasafni Héraðsbúa, í ljósi þess að kosning ber upp á sama tíma og haustfrí grunnskóla á Fljótsdalshéraði.

Þá hvetur nefndin ungt fólk í sveitarfélaginu til að kynna sér málið, mynda sér skoðun og mæta á kjörstað.

Samþykkt samhljóða með handauppréttingu.

Fundi slitið - kl. 09:00.