Fræðslunefnd Fljótsdalshéraðs

264. fundur 14. ágúst 2018 kl. 16:00 - 19:30 í fundarsal bæjarstjórnar
Nefndarmenn
  • Berglind Harpa Svavarsdóttir formaður
  • Sigrún Hólm Þórleifsdóttir varaformaður
  • Jón Björgvin Vernharðsson aðalmaður
  • Leifur Þorkelsson aðalmaður
  • Björg Björnsdóttir aðalmaður
  • Halla Sigrún Sveinbjörnsdóttir áheyrnarfulltrúi
Fundargerð ritaði: Helga Guðmundsdóttir fræðslustjóri
Skólastjórnendur leik-, grunn- og tónlistarskóla sátu fundinn undir fyrsta lið á dagskránni.
Áheyrnarfulltrúar grunnskóla, Sigurbjörg Hvönn Kristjánsdóttir, Helena Rós Einarsdóttir, Þórunn Guðgeirsdóttir og Bára Stefánsdóttir sátu fundinn undir liðum 1-6. Skólastjórnendur leik-, grunn- og tónlistarskóla sátu fundinn undir lið 1. Skólastjórar grunnskólanna fylgdu síðan eftir þeim liðum á dagskrá fundarins sem varða þeirra skóla sérstaklega.

1.Áhrif nýrrar persónuverndarlöggjafar á starfsemi á fræðslusviði

Málsnúmer 201808042Vakta málsnúmer

Aron Thorarensen, verkefnisstjóri innleiðingar nýrrar persónuverndarlöggjafar í sveitarfélaginu mætti á fund nefndarinnar og fór yfir áætlun fyrir innleiðinguna og kynnti ýmsa þætti sem snúa að stofnunum á fræðslusviði sérstaklega. Ruth Magnúsdóttir, skólastjóri Egilsstaðaskóla, lagði ríka áherslu á að fram færi frumfræðsla til starfsmanna, foreldra og nemenda um framkvæmd og áhrif þessarar nýju löggjafar sem allra fyrst og jafnframt að hafin væri vinna við miðlægar verklagsreglur fyrir stofnanirnar.

Eftirfarandi bókun lögð fram:

Það verður að teljast með ólíkindum að hið opinbera hafi ekki undirbúið betur innleiðingu jafn viðamikilla laga og ný persónuverndarlög eru. Enn á ný sitja sveitarfélög uppi með risavaxið verkefni sem þeim er ætlað að leysa á örskömmum tíma þó það snerti starfsemi allra stofnana sveitarfélagsins. Þannig er fjölmörgum spurningum ósvarað hvað varðar áhrif laganna á skólaumhverfið nú þegar allir skólar landsins eru að hefja starfsemi sína. Skorað er á ríkið að koma með afgerandi hætti að þessari vinnu, t.a.m. með ráðgjöf og fræðslu.

Samþykkt samhljóða með handauppréttingu.

2.Kjarasamningur FG og Launanefndar

Málsnúmer 201808039Vakta málsnúmer

Fræðslustjóri kynnti í stórum dráttum nýjan kjarasamning SNS og FG og þau áhrif sem hann hefur á launalið grunnskólanna.

Lagt fram til kynningar.

3.Breyttir kennsluhættir í grunnskólum Fljótsdalshéraðs

Málsnúmer 201808043Vakta málsnúmer

Fræðslustjóri og skólastjórnendur kynntu verkefnið sem verður tekið upp aftur í aðdraganda vinnu við fjárhagsáætlun 2019.

Lagt fram til kynningar.

4.Fellaskóli - sjálfsmatsskýrsla 2017-2018

Málsnúmer 201808037Vakta málsnúmer

Þórhalla Sigmundsdóttir, skólastjóri Fellaskóli, kynnti skýrsluna.

Lagt fram til kynningar.

5.Brúarásskóli - sjálfsmatsskýrsla 2017-2018

Málsnúmer 201808038Vakta málsnúmer

Stefanía Malen Stefánsdóttir, skólastjóri Brúarásskóla, kynnti skýrsluna.

Lagt fram til kynningar.

6.Egilsstaðaskóli - nemendamál

Málsnúmer 201808040Vakta málsnúmer

Ruth Magnúsdóttir, skólastjóri Egilsstaðaskóla, kynnti erindið. Ljóst er að vegna aðstæðna í nemendahópnum hefur skapast aukin stuðningsþörf. Fræðslunefnd samþykkir fyrir sitt leyti að brugðist verði við þeirri þörf, en fer þess á leit að leitast verði við að mæta afleiddum kostnaði innan samþykktrar fjárhagsáætlunar eftir því sem unnt er.

Samþykkt samhljóða með handauppréttingu.

7.Launaþróun á fræðslusviði 2018

Málsnúmer 201808041Vakta málsnúmer

Lagt fram til kynningar.

8.Skýrsla fræðslustjóra

Málsnúmer 201108127Vakta málsnúmer

Lagt fram til kynningar.

Fundi slitið - kl. 19:30.