Bæjarráð Fljótsdalshéraðs

349. fundur 11. júlí 2016 kl. 09:00 - 11:45 í fundarsal bæjarstjórnar
Nefndarmenn
  • Gunnar Jónsson formaður
  • Anna Alexandersdóttir áheyrnarfulltrúi
  • Sigrún Blöndal varaformaður
  • Gunnhildur Ingvarsdóttir 1. varamaður
  • Björn Ingimarsson bæjarstjóri
  • Stefán Snædal Bragason skrifstofu- og starfsmannastjóri
Fundargerð ritaði: Stefán Bragason skrifstofustjóri
Fyrir fund bæjarráðs voru haldnir aðalfundir Sláturhússins Menningarseturs og Fasteignafélags Iðavalla. Fundargerðir þeirra funda, ásamt ársreikningum voru svo teknir fyrir á fundi bæjarráðs.

1.Fjármál 2016

Málsnúmer 201601001Vakta málsnúmer

Guðlaugur Sæbjörnsson fjármálastjóri kynnti ýmsar tölulegar upplýsingar úr rekstri ársins.

Farið yfir drög að samningi við VAPP ehf vegna úthlutunar lóða nr. 1 - 8 við Klettasel.
Bæjarráð samþykkir að fela bæjarstjóra og fjármálastjóra að ganga frá samkomulaginu, samkvæmt því fyrirkomulagi sem kynnt var á fundinum.

2.Fundargerð 210.fundar stjórnar HEF.

Málsnúmer 201607010Vakta málsnúmer

Lögð fram fundargerð 210. fundar stjórnar HEF frá 04. 07. sl.

3.Fundargerð aðalfundar Fasteignafélags Iðavalla ehf 2016.

Málsnúmer 201607012Vakta málsnúmer

Lögð fram fundargerð aðalfundar Fasteignafélagsins Iðavalla ehf, ásamt ársreikningi félagsins fyrir rekstrarárið 2015.

4.Fundargerða aðalfundar Sláturhúsið - Menningarsetur ehf 2016.

Málsnúmer 201607013Vakta málsnúmer

Lögð fram fundargerð aðalfundar Sláturhússins menningarseturs, ásamt ársreikningi félagsins fyrir rekstrarárið 2015.

5.Umhverfis- og framkvæmdanefnd - 51

Málsnúmer 1607001Vakta málsnúmer

Fundargerðin lögð fram:

5.1.Áhaldahús Fljótsdalshéraðs/eftirlitsskýrsla Vinnueftirlitsins

Málsnúmer 201606121Vakta málsnúmer

Bæjarráð tekur undir með Umhverfis- og framkvæmdanefnd og felur starfsmanni að kynna skýrsluna fyrir starfsmönnum Þjónustumiðstöðvar og leggur áherslu á að brugðist verði við þeim athugasemdum sem þar eru gerðar.

5.2.Erindi og gögn fyrir fundi Umhverfis- og framkvæmdanefndar

Málsnúmer 201606134Vakta málsnúmer

Á fundi umhverfis- og mannvirkjanefndar var lagt fram eftirfarandi erindi sem snýr að málsmeðferð.

Öll erindi sem leggja á fyrir Umhverfis- og framkvæmdanefnd skulu berast a.m.k. 7 dögum fyrir fund. Formaður hefur þó rétt til að bæta við erindi ef hann telur brýna þörf fyrir afgreiðslu þess.

Ef starfsmaður óskar eftir lagfæringum á gögnum, þá þurfa leiðrétt gögn að hafa borist fyrir miðnætti 3 dögum fyrir fund.

Óskað er eftir samþykki nefndarinnar og sveitastjórnar fyrir því, að ef ný erindi sem berast er varða vinnu eða breytingar á skipulagsáætlunum eða kynningu á framkvæmdaleyfi, verði gjöld innheimt áður en erindi er lagt fyrir fundi nefnda sveitarfélagsins.
Lagt er til að innheimta afgreiðslugjald, skv. 14. gr. samþykktar nr. 668, áður en nefndir sveitarfélagsins fjalla um málið, en önnur gjöld áður en auglýsing á tillögu verði send út.

Að tillögu umhverfis- og framkvæmdanefndar samþykkir bæjarráð framangreindar málsmeðferðartillögur.

Með vísun í 14. gr. samþykktar nr. 668, gjöld vegna vinnu eða breytinga á skipulagsáætlunum, þá samþykkir bæjarráð jafnframt að heimildir til innheimtu gjalda verði nýttar.

5.3.Fundargerð 130. fundar Heilbrigðisnefndar Austurlands

Málsnúmer 201606147Vakta málsnúmer

Lagt fram til kynningar.

5.4.Gangbrautir

Málsnúmer 201606144Vakta málsnúmer

Bæjarráð tekur undir með umhverfis- og framkvæmdanefnd og vísar erindinu til Umferðaröryggishóps Fljótsdalshéraðs.

5.5.Landsskipulagsstefna 2015-2026

Málsnúmer 201401195Vakta málsnúmer

Lagt er fram til kynningar bréf Skipulagsstofnunar, Landsskipulagsstefna 2015-2016, dags. 16.6. 2016 .

Bæjarráð samþykkir tillögu umhverfis- og framkvæmdanefndar um að skipulags- og byggingarfulltrúi verði sérstakur tengiliður við verkefnið.

5.6.Styrkir til uppbyggingar á innviðum fyrir rafbíla

Málsnúmer 201606141Vakta málsnúmer

Orkusjóður auglýsir styrki til uppbyggingar á innviðum fyrir rafbíla. Á fjárlögum 2016 er á fjárlagalið 04-599, 1.23, tímabundin fjárheimild að fjárhæð kr. 67 m.kr. á ári, í þrjú ár, fyrir verkefnið "Rafbílar átak í innviðum"

Til úthlutunar í átaksverkefninu eru 67 m. kr. á ári á þriggja ára tímabili. Hægt er að sækja um verkefni sem eru til eins, tveggja eða þriggja ára. Eingöngu eru veittir fjárfestingarstyrkir og geta styrkir hæst numið 50% af áætluðum kostnaði verkefnis, sbr. 8. gr. reglugerðar nr. 185/2016. Hámarksupphæð styrks fyrir hvert verkefni er 30 m.kr. á ári. Lágmarksupphæð styrks fyrir hvert verkefni er 2 m. kr. á ári.
Umsóknarfrestur er til 1. október 2016.

Eftirfarandi tillaga lögð fram:
Að tillögu umhverfis- og framkvæmdanefndar felur bæjarráð verkefnastjóra umhverfismála erindið til athugunar, í samvinnu við skipulags- og byggingarfulltrúa. Óskað er eftir að þeir leggi fram tillögu um málið á næsta fundi umhverfis- og framkvæmdanefndar.

Samþykkt samhljóða með handauppréttingu.

5.7.Umhverfisviðurkenningar

Málsnúmer 201606109Vakta málsnúmer

Tilnefning umhverfis- og framkvæmdanefndar staðfest og vísað til liðar 12 á dagskránni.

5.8.Deiliskipulag Möðrudal Fljótsdalshéraði

Málsnúmer 201104043Vakta málsnúmer

Lagt er fram erindi Björns Sveinssonar fyrir hönd Vilhjálms Vernharðssonar, ábúanda Möðrudals.

Nú hefur landbúnaðarráðuneyti gefið samþykki sitt fyrir áformum ábúanda. Áform standa til að byggja tvö hús í haust og vetri komanda. Tólf herbergja gistihús og upplýsinga og þjónustuhús fyrir Vatnajökulsþjóðgarð.

Heimild er í 2. mgr. 40gr. skipulagslaga nr. 123/2010 fyrir sveitarstjórnir að falla frá gerð skipulagslýsingar ef "allar meginforsendur deiliskipulagsins liggja fyrir í aðalskipulagi."
Deiliskipulagstillaga sem gerð hefur verið er í fullu samræmi við ákvæði aðalskipulags.

Aðalskipulag gerir ráð fyrir upplýsingamiðstöð Vatnajökulsþjóðgarðs í Möðrudal, reitur V21 verslun og þjónusta gerir ráð fyrir tjaldstæðum, gistingu og veitingasölu auk þess sem skipulagssvæðið er skilgreint sem landbúnaðarsvæði. Stefna er sett fram í aðalskipulagi að smávirkjunum fjölgi.

Meðfylgjandi er deiliskipulagstillaga, frumteikningar að gistihúsi og upplýsingamiðstöð, og afstaða ráðuneytis.

Eftirfarandi tillaga lögð fram:
Að tillögu umhverfis- og framkvæmdanefndar felur bæjarráð skipulags- og byggingarfulltrúa að senda skipulagstillögu á Skipulagsstofnun til umfjöllunar. Úrvinnsla erindisins samkvæmt 1. mgr. 41. gr. Skipulagslaga nr. 123/2010 fer fram eftir að álit Skipulagsstofnunar liggur fyrir.
Jafnframt er vakin athygli á 14. gr. Samþykktar nr. 668.

Samþykkt samhljóða með handauppréttingu.

5.9.Stöðuleyfi fyrir verkfæra/garðskúr við púttvöll

Málsnúmer 201606111Vakta málsnúmer

Afgreiðsla umhverfis- og framkvæmdanefndar staðfest og skipulags- og byggingarfulltrúa falið að gefa út stöðuleyfi.

5.10.Snæfellsskáli deiliskipulag

Málsnúmer 201505173Vakta málsnúmer

Í vinnslu.

5.11.Fundir fjallskilastjóra 2016

Málsnúmer 201607005Vakta málsnúmer

Á fundi umhverfis- og framkvæmdanefndar var fundargerð fundar Fjallskilastjóra 2016, dags.22.6. 2016 lögð fram til kynningar.

Bæjarráð tekur undir með umhverfis- og framkvæmdanefnd og áréttar bókun úr lið 3 í fundargerð fjallskilastjóra og krefst þess að Matvælastofnun sjái til þess að girðingar sem stofnunin ber ábyrgð á séu fjárheldar.

6.Samningur og viljayfirlýsing Fljótsdalshéraðs og Íþróttafélagsins Hattar varðandi uppbyggingu við Íþ

Málsnúmer 201508023Vakta málsnúmer

Farið yfir viljayfirlýsingu Fljótsdalshéraðs og Íþróttafélagsins Hattar varðandi uppbyggingu við Íþróttamiðstöðina á Egilsstöðum, sem gerð var á síðasta ári og hvernig fjárfestingin rúmaðist mögulega innan fjárhagsramma sveitarfélagsins næstu þrjú árin.
Bæjarráð mælist til þess að framboðin ræði fyrirliggjandi útfærslur innan sinna raða og að málið verði tekið fyrir aftur á fundi bæjarráðs 8. ágúst nk.

7.Eiðar,afnot af beitilandi.

Málsnúmer 201607008Vakta málsnúmer

Kynnt drög að samningi um afnot af beitilandi og túnum á Eiðum sem eru í eigu Fljótsdalshéraðs og liggur sunnan og austan við íþróttavöllinn. Að hluta er um að ræða endurnýjun á eldri samningi, en landið sem um ræðir er mun minna.

Bæjarráð samþykkir samningsdrögin og felur bæjarstjóra að láta ganga frá samningi á grunni þeirra.

8.Samþykkt um fráveitur í þéttbýlisstöðum á Fljótsdalshéraði

Málsnúmer 201604103Vakta málsnúmer

Fyrir liggur fundargerð stjórnar Heilbrigðiseftirlits Austurlands.

Eftirfarandi tillaga lögð fram:
Bæjarráð staðfestir fyrirliggjandi samþykkt um fráveitur í þéttbýlisstöðu á Fljótsdalshéraði, eins og hún var lögð fram, með breytingartillögum frá Heilbrigðisnefnd Austurlands (sbr. fundagerð heilbrigðisnefndar frá 29. júní).
Tillagan þannig afgreidd hér við síðari umræðu af bæjarráði.

Samþykkt samhljóða með handauppréttingu.

9.Kosning fulltrúa í embætti, stjórnir og nefndir á vegum Fljótsdalshéraðs

Málsnúmer 201406079Vakta málsnúmer

Bæjarráð samþykkir eftirfarandi breytingar á fulltrúum í nefndir sveitarfélagsins:

Að Kristín Björnsdóttir starfi áfram sem formaður Jafnréttisnefndar.

Jafnframt staðfestir bæjarráð að Ingunn Bylgja Einarsdóttir taki aftur sæti sitt sem varamaður í bæjarstjórn og fræðslunefnd, að afloknu leyfi, frá og með þessum fundi.

10.Uppbygging ferðamannastaða

Málsnúmer 201605022Vakta málsnúmer

Fyrir liggja hugmyndir sem atvinnu- menningar- og íþróttafulltrúi hefur tekið saman að beiðni bæjarráðs um áfangastaði á Fljótsdalshéraði sem tilnefndir verði til landsáætlunar um uppbyggingu innviða á ferðamannastöðum árið 2017.

Bæjarráð samþykkir fyrirliggjandi hugmyndir.

11.Vinabæjarmót Egilsstöðum 10-12.ágúst 2017.

Málsnúmer 201607017Vakta málsnúmer

Fyrir liggur að næsta vinabæjarmót í þeirri norrænu vinabæjarkeðju sem Fljótsdalshérað á aðild að, verður á Egilsstöðum í ágúst á næsta ári.
Bæjarráð samþykkir að fela bæjarstjóra að senda vinabæjunum upplýsingar um dagsetningu mótsins og kalla eftir staðfestingu á mætingu.

12.Umhverfisviðurkenningar

Málsnúmer 201606109Vakta málsnúmer

Bæjarráð samþykkir eftirfarandi skipan dómnefnda vegna umhverfisviðurkenninga á Fljótsdalshéraði 2016.

Dreifbýli
Árni Kristinsson, umhverfis- og framkvæmdanefnd
Heiðdís Björk Gunnarsdóttir, MAST
Jón Björgvin Vernharðsson, Búnaðarsambandi Austurlands

Þéttbýli
Ágústa Björnsdóttir, umhverfis- og framkvæmdanefnd
Erla Vilhjálmsdóttir, fh. íbúa
Freyr Ævarsson, verkefnisstjóri umhverfismála

Fundi slitið - kl. 11:45.