Bæjarráð Fljótsdalshéraðs

296. fundur 26. maí 2015 kl. 09:00 - 11:35 í fundarsal bæjarstjórnar
Nefndarmenn
  • Gunnar Jónsson formaður
  • Anna Alexandersdóttir varaformaður
  • Stefán Bogi Sveinsson aðalmaður
  • Árni Kristinsson 1. varamaður
  • Björn Ingimarsson bæjarstjóri
  • Guðlaugur Sæbjörnsson fjármálastjóri
  • Óðinn Gunnar Óðinsson
  • Haddur Áslaugsson
Fundargerð ritaði: Björn Ingimarsson bæjarstjóri

1.Fjármál 2015

Málsnúmer 201501007Vakta málsnúmer

Guðlaugur Sæbjörnsson sat fundinn undir þessum lið og fór yfir ýmis mál tengd fjármálum sveitarfélagsins.

Haddur Áslaugsson mætti á fundinn undir þessum lið og fór yfir ýmis mál varðandi tölvunotkun og þróun kostnaðar og þjónustu sveitarfélagsins. Bæjarráð lýsir yfir ánægju með þróunina á kostnaði og þjónustu á undanförnum árum.

Ábyrgð vegna lána Ársala b.s.

Vegna lánasamninga milli Ársala b.s. og Arionbanka um fjármögnun félagsins, alls er lánaupphæðin kr. 175 milljónir, ítrekar bæjarráð Fljótsdalshéraðs fyrri bókun sína frá 9. mars sl. og samþykkir eftirfarandi: Eignir félagsins, íbúðir í Hamragerði og á Lagarási að undanskyldum eignum að Lagarási 17, eru settar að veði fyrir láninu, en sem bakábyrgð er sjálfskuldarábyrgð aðildarsveitarfélaganna Fljótsdalshéraðs, Borgarfjarðarhrepps og Fljótsdalshrepps. Hlutur Fljótsdalshéraðs í félaginu er 88,5 % og stendur bakábyrgð sveitarfélagsins á móti þeim hlut.

Samþykkt samhljóða með handauppréttingu.

2.Fjárhagsáætlun 2016

Málsnúmer 201505058Vakta málsnúmer

Guðlaugur Sæbjörnsson sat fundinn undir þessum lið og fór yfir stöðu fjárhagsáætlunargerðar fyrir 2016.

3.Fundargerð 188. fundar stjórnar HEF

Málsnúmer 201505093Vakta málsnúmer

Fundargerð Hitaveitu Egilsstaða og Fella nr. 188 lögð fram til kynningar.

4.Heimasíða Fljótsdalshéraðs

Málsnúmer 201505018Vakta málsnúmer

Málinu frestað til næsta fundar bæjarráðs.

5.Hundrað ára afmæli kosningaréttar kvenna

Málsnúmer 201408045Vakta málsnúmer

Farið yfir starf vinnuhóps vegna hundrað ára afmælis kosningaréttar kvenna.
Bæjarráð samþykkir að starfsfólki sveitarfélagsins verði gefið frí frá hádegi 19. júní í tilefni af hundrað ára afmæli kosningaréttar kvenna. Stofnanir sveitarfélagsins verða lokaðar frá hádegi en þó verði tryggt að þjónusta er varðar öryggi og neyðarþjónustu verði veitt.

Samþykkt samhljóða með handauppréttingu.

6.Uppbygging ljósleiðaravæðingar

Málsnúmer 201504114Vakta málsnúmer

Málinu frestað til næsta fundar bæjarráðs.

7.Fjarvarmaveitan á Eiðum

Málsnúmer 201504091Vakta málsnúmer

Málið var áður tekið fyrir á fundi bæjarráðs 11. maí 2015 en afgreiðslu hluta þess frestað á fundi bæjarstjórnar 20. maí 2015.

Bæjarstjóri gerði grein fyrir fundi með fulltrúum notenda fjarvarmaveitunnar sem haldinn var 21. maí s.l.

Bæjarráð samþykkir að taka til endurskoðunar fyrri ákvörðun um lokun fjarvarmaveitunnar um næstu áramót.
Samþykkt er að veita notendum frest til 12. júní 2015 til þess að koma á framfæri formlegum athugasemdum sínum vegna áforma um mögulega lokun veitunnar um næstu áramót.

Samþykkt samhljóða með handauppréttingu.

8.Nám á framhaldsstigi í tónlistarskólum

Málsnúmer 201505162Vakta málsnúmer

Lagður fram tölvupóstur frá Sambandi íslenskra sveitarfélaga, dags. 22.maí 2015 með bréfi og greinargerð frá hópi stjórnenda tónlistarskóla.

Bæjarráð vísar málinu til umfjöllunar í fræðslunefnd.

Samþykkt samhljóða með handauppréttingu.

Fundi slitið - kl. 11:35.