Deiliskipulag, Bakkavegur á Borgarfirði

Auglýsingu deiliskipulagstillögu fyrir svæði við Bakkaveg á Borgarfirði er lokið. Frestur til að skila athugasemdum var til 23. október 2020. Ein athugasemd barst frá Christer Magnusson, þar sem ekki eru gerðar athugasemdir við tillöguna sem slíka en bent á nokkur atriði er varða framkvæmd hennar. Einnig barst umsögn frá Minjastofnun Íslands þar sem ekki eru gerðar athugasemdir við tillöguna.

Eftirfarandi tillaga lögð fram:

Umhverfis- og framkvæmdaráð samþykkir fyrirliggjandi deiliskipulagstillögu og vísar henni til heimastjórnar til staðfestingar.
Ráðið samþykkir einnig að vísa ábendingum frá Christer Magnusson til framkvæmda- og umhverfismálastjóra og leggur til að tekið verði tillit til þeirra við gatnaframkvæmdir eftir nýju skipulagi.

Samþykkt samhljóða með handauppréttingu.

Heimastjórn á Borgarfirði samþykkir deiliskipulagstillöguna fyrir sitt leyti.

Heimastjórn Borgarfjarðar óskar eftir að tekið verði til skoðunar deiliskipulag vestan Útskála á Bakkavegi á Borgarfirði (samþykkt hjá Skipulagsstofnun 21. des. 2020, tilv. 202011106/34), með það að markmiði að auka fjölbreytni lóðaframboðs og sveigjanleika á stærð nýbygginga á Borgarfirði.

Málinu vísað til vinnslu hjá umhverfis- og framkvæmdasviði.

Samþykkt samhljóða með handauppréttingu.