Skólamötuneyti

Skólamötuneyti Fljótsdalshéraðs er starfrækt í húsnæði Egilsstaskóla en mötuneytið hóf starfsemi sína haustið 2010. Í mötuneytinu er eldaður hádegismatur fyrir nemendur og starfsfólk grunn- og leikskólanna á Egilsstöðum og í Fellabæ. Maturinn er sendur í hitakössum á áfangastað þar sem það á við. Fjórir starfsmenn starfa í mötuneytinu.

Matseðilinn sem er í gildi hverju sinni má nálgast á heimasíðum skólanna sem fá mat frá mötuneytinu. Ábendingar og/eða athugasemdir er hægt að senda beint til matráðs thorgerdur@egilsstadir.is eða fræðslustjóra helga@egilsstadir.is eftir því sem við á.

Matseðillinn er yfirfarinn á matarfundi sem endanlega samþykkir hann. Á matarfundi sitja einn til tveir fulltrúar frá öllum skólum (grunn- og leikskólum) sem fá mat fá mötuneytinu ásamt matráði. Yfirferðin á að tryggja að matseðillinn falli að starfsemi skólanna, tryggi fjölbreytileika í fæðuvali sem og hollustu matarins sem boðið er upp á.

Gott er fyrir foreldra og forráðamenn sem vilja að börnin sín borði hollan og næringaríkan mat að kynna börnunum sínum matardisk landlæknisembættisins sem sýnir hvert eðlilegt hlutfall milli matarflokka er. Leitast er við að skólarnir hafi mynd af disknum hangandi á vegg í matsalnum.

Stefna skólamötuneytisins er í vinnslu og verður sett inn hér á heimasíðuna þegar hún hefur verið samþykkt.

Eins og staðan er í dag er ekki eldaður fiskur í mötuneytinu vegna alvarlegs ofnæmis í Egilsstaðaskóla. Sú staða er endurskoðuð árlega í samráði við foreldra og lækni viðkomandi einstaklings. Varðandi umræðu um það mál er rétt að halda því til haga að réttur barna til náms er ríkari en réttur foreldra til að börnum þeirra sé gefinn fiskur í skólanum. Í fréttabréfi skólamötuneytisins hefur meðal annars verið fjallað um þetta mál. Nálgast má eldri fréttabréf hér fyrir neðan. Fleiri börn glíma við alvarlegt ofnæmi og það er vaxandi viðfangsefni mötuneytisins að geta brugðist við því.

 

Samþykkt um stjórn og fundarsköp Matardiskur Landlæknisembættisins

Fréttabréf Skólamötuneytis Fljótsdalshéraðs

Samþykkt um stjórn og fundarsköp 3. fréttabréf 2017

Samþykkt um stjórn og fundarsköp 2. fréttabréf 2013

Samþykkt um stjórn og fundarsköp 1. fréttabréf 2011