Ungmennaráð Fljótsdalshéraðs

77. fundur 21. febrúar 2019 kl. 16:30 - 18:00 í fundarsal bæjarstjórnar
Nefndarmenn
  • Erla Jónsdóttir formaður
  • Kristbjörg Mekkín Helgadóttir varaformaður
  • Almar Aðalsteinsson aðalmaður
  • Aron Steinn Halldórsson aðalmaður
  • Guðrún Lára Einarsdóttir aðalmaður
  • Einar Freyr Guðmundsson aðalmaður
  • Rafael Rökkvi Freysson aðalmaður
  • Þorsteinn Ivan M. Bjarkason aðalmaður
  • Þórunn Bylgja Borgþórsdóttir starfsmaður
Fundargerð ritaði: Bylgja Borgþórsdóttir verkefnastjóri íþrótta- tómstunda- og forvarnarmála

1.Ungt fólk og lýðræði 2019

201901128

Fyrir liggur boðsbréf frá UMFÍ þar sem auglýst er ráðstefnan Ungt fólk og lýðræði sem fer fram í Borgarnesi 10.-12. apríl 2019.

Ungmennaráð leggur til að fulltrúar ráðsins á ráðstefnunni verði Einar Freyr Guðmundsson og Guðrún Lára Einarsdóttir.

Samþykkt samhljóða með handauppréttingu.

2.Áfangastaðurinn Austurland, úrbótaganga

201811114

Undir þessum lið mætti Freyr Ævarsson, verkefnastjóri umhverfismála, og sagði frá fyrirætlunum sveitarfélagsins varðandi úrbótagöngu og hugmyndir að aðkomu ungmennaráðs.

Ungmennaráð Fljótsdalshéraðs tekur vel í þær hugmyndir sem fram komu í máli Freys en að öðru leyti var málið lagt fram til kynningar.

Gestir

  • Freyr Ævarsson - mæting: 16:50

3.Ungmennaþing 2019

201808169

Dagskrá ungmennaþings er í vinnslu.

4.Sameiginlegur fundur ungmennaráðs og bæjarstjórnar 2019

201809098

Dagskrá og tímasetning fyrir sameiginlegan fund ungmennaráðs og bæjarstjórnar vor 2019 er í vinnslu.

5.Milljarður rís

201901092

Ungmennaráð Fljótsdalshéraðs þakkar fyrir frábæra mætingu á Milljarður rís þann 14. febrúar síðast liðinn, þar sem dansað var gegn kynbundnu ofbeldi.

Málefnið er ákaflega þarft og meðlimir leggja til að næsta ungmennaráð taki að sér skipulagningu viðburðarins að ári.

Samþykkt samhljóða með handauppréttingu.

6.Frumvarp um bann við notkun burðarplastpoka

201902077

Umhverfisráðherra hefur lagt fram frumvarp um bann við notkun burðarplastpoka. Segir í frumvarpinu að 1. júlí 2019 verði óheimilt að afhenda alla burðarpoka, þar með talið burðarpoka úr plasti, án endurgjalds á sölustöðum vara og skal gjaldið vera sýnilegt á kassakvittun. Frá og með 1. janúar 2021 verður síðan óheimilt fyrir verslanir að afhenda burðarpoka úr plasti. Ekki skiptir máli hvort það er með eða án gjalds.

Ungmennaráð Fljótsdalshéraðs lýsir yfir ánægju með frumvarpið.

Mælir ungmennaráð með því að fólk kynni sér vefsíðuna Spurt og svarað um bann við burðarplastpokum á vef Stjórnarráðs Íslands.

Samþykkt samhljóða með handauppréttingu.

Fundi slitið - kl. 18:00.