Ungmennaráð Fljótsdalshéraðs

74. fundur 05. desember 2018 kl. 15:00 - 17:00 í fundarsal bæjarstjórnar
Nefndarmenn
  • Kristbjörg Mekkín Helgadóttir aðalmaður
  • Almar Aðalsteinsson aðalmaður
  • Erla Jónsdóttir aðalmaður
  • Aron Steinn Halldórsson aðalmaður
  • Guðrún Lára Einarsdóttir aðalmaður
  • Einar Freyr Guðmundsson aðalmaður
  • Rafael Rökkvi Freysson aðalmaður
  • Þórunn Bylgja Borgþórsdóttir starfsmaður
  • Björn Ingimarsson bæjarstjóri
  • Stefán Bogi Sveinsson bæjarfulltrúi
  • Anna Alexandersdóttir bæjarfulltrúi
  • Berglind Harpa Svavarsdóttir bæjarfulltrúi
  • Kristjana Sigurðardóttir bæjarfulltrúi
  • Björg Björnsdóttir bæjarfulltrúi
  • Gunnar Jónsson bæjarfulltrúi
  • Hannes Karl Hilmarsson bæjarfulltrúi
Fundargerð ritaði: Bylgja Borgþórsdóttir verkefnastjóri íþrótta- tómstunda- og forvarnarmála
Sameiginlegur fundur ungmennaráðs og bæjarstjórnar Fljótsdalshéraðs.

1.Ungmennaráð - þróun

201812004

Aron Steinn Halldórsson ræddi almennt um ungmennaráð og þróun þeirra. Breytingar hafa orðið á samþykktum ungmennaráðs Fljótsdalshéraðs á síðasta ári, en fulltrúar í ráðinu fá nú greitt fyrir fundasetu og sitja í ráðinu í tvö ár í stað eins. Ungmennaráðsmeðlimir telja breytingarnar auka fagmennsku og efla vinnu ráðsins og telja að ráðið muni eflast enn frekar í framtíðinni.

2.Áheyrnarfulltrúar ungmennaráðs

201812007

Almar Aðalsteinsson bar upp erindið og ræddi mikilvægi þess að ungmennaráð eigi áheyrnarfulltrúa í fastanefndum sveitarfélagsins. Rætt um kosti þess og galla. Fundarmenn sammála um að bæði ungmennaráð og aðrar nefndir geti unnið betur að því að ungmennaráð fái að setja sitt mark á umræðuna og þau mál sem berast sveitarfélaginu.

3.Samfella skóla og tómstundastarfs

201812005

Einar Freyr Guðmundsson bar upp erindið og velti upp hvort auka þurfi samfellu í skóla- og tómstundastarfi. Bundnar vonir við það að með uppbyggingu íþróttamannvirkja myndi aukinn sveigjanleika til að klára tómstundastarf yngri barna og ungmenna fyrr á daginn. Áhugi sýndur á því að skoða fyrirkomulag annarra sveitarfélaga hvað þetta varðar.

4.Heimsmarkmið Sameinuðu þjóðanna

201812006

Kristbjörg Mekkín Helgadóttir, sem er einnig fulltrúi í ungmennaráði Heimsmarkmiða Sameinuðu þjóðanna, bar upp erindið. Kristbjörg ræddi hvort og hvernig Fljótsdalshérað væri að vinna að Heimsmarkmiðunum. Fundarmenn sammála um mikilvægi þess að vinna markvisst með markmiðin.

Fundi slitið - kl. 17:00.