Umhverfis- og framkvæmdanefnd

116. fundur 15. ágúst 2019 kl. 17:00 - 20:00 í fundarsal bæjarstjórnar
Nefndarmenn
  • Guðfinna Harpa Árnadóttir formaður
  • Benedikt Hlíðar Stefánsson varaformaður
  • Aðalsteinn Ásmundarson aðalmaður
  • Kristjana Sigurðardóttir aðalmaður
  • Hrefna Hlín Sigurðardóttir áheyrnarfulltrúi
  • Guðný Margrét Hjaltadóttir varamaður
  • Gunnlaugur Rúnar Sigurðsson skipulags- og byggingarfulltrúi
  • Freyr Ævarsson starfsmaður
Fundargerð ritaði: Gunnlaugur Rúnar Sigurðsson skipulags- og byggingarfulltrúi
Í upphafi fundar óskaði formaður umhverfis- og framkvæmdanefndar eftir að bæta við tveimur málum, annars vegar Umsókn um leyfi til uppsetningar á vindmælingarbúnaði og hins vegar Deiliskipulag Valgerðarstaðir og verða þau nr. 18 og 19.

Samþykkt samhljóða með handauppréttingu.

1.Fundur fjallskilastjóra 2019

Málsnúmer 201907005Vakta málsnúmer

Fundargerð fjallskilastjóra lögð fram til kynningar.

Umhverfis- og framkvæmdanefnd áréttar bókun úr lið 7 í fundargerð fjallskilastjóra og krefst þess að Matvælastofnun sjái til þess að girðingar sem stofnunin ber ábyrgð á séu fjárheldar.

Umhverfis- og framkvæmdanefnd áréttar bókun úr lið 2 í fundargerð fjallskilastjóra og krefst þess að Vegagerðin sjái til þess að girðingar sem stofnunin ber ábyrgð á séu fjárheldar.

Umhverfis- og framkvæmdanefnd felur verkefnastjóra umhverfismála að finna fjallskilastjóra fyrir Skriðdal.

Samþykkt samhljóða með handauppréttingu.

2.Refa- og minkaveiðar á Fljótsdalshéraði

Málsnúmer 201902080Vakta málsnúmer

Farið yfir umsóknir um refa- og minkaveiðar á Fljótsdalshéraði.

Umhverfis- og framkvæmdanefnd felur verkefnastjóra umhverfismála að vinna samningsdrög og tillögu að lista yfir þá veiðimenn sem ráðnir verða til starfa til næstu tveggja ára.

Samþykkt samhljóða með handauppréttingu.

3.Lausaganga geita

Málsnúmer 201904199Vakta málsnúmer

Erindi frá landeigendum í Skriðdal og Fljótsdalshreppi þar sem óskað er eftir að lagt verði bann við lausagöngu geita á Fljótsdalshéraði. Samsvarandi erindi var einnig sent Fljótsdalshreppi.

Umhverfis- og framkvæmdanefnd skilur áhyggjur sem fram koma í erindi og hvetur búfjáreigendur til að leitast við að sjá til þess að búfé þeirra valdi ekki skemmdum á eigum annarra. Að sinni verður ekki sett á lausagöngubann geita.

Samþykkt með fjórum atkvæðum. (AÁ sat hjá)

4.Stefna umhverfis- og auðlindaráðherra í úrgangsmálum

Málsnúmer 201907048Vakta málsnúmer

Umhverfis- og auðlindaráðuneytið vinnur að tillögu nýrri stefnu í meðhöndlun úrgangs fyrir landið allt.

Nefndin gerir ekki athugasemdir við fyrirliggjandi drög að öðru leyti en betur þarf að skoða brennslu á dýraleifum og aðstæður í dreifbýli. Nefndin fagnar því að stefna í úrgangsmálum sé metnaðarfull, hún verði samræmd og að unnið sé markvisst að heildstæðari nálgun varðandi flokkun og endurvinnslu en leggur jafnframt áherslu á að aðlögunartími úrbótaaðgerða sé fullnægjandi.

Samþykkt samhljóða með handauppréttingu.

5.Neyðaráætlun og vara sorpstaður

Málsnúmer 201906142Vakta málsnúmer

Fyrir hönd sveitarfélagsins Hornafjarðar er óskað eftir að Fljótsdalshérað heimili að urðunarstaður sveitafélagsins í landi Tjarnarlands verði nefndur til vara í neyðaráætlun sveitarfélagsins Hornafjarðar ef það kemur til að loka urðunarstaðnum í neyð.

Umhverfis- og framkvæmdanefnd leggur til við bæjarstjórn Fljótsdalshéraðs að Sveitafélaginu Hornafirði verði heimilað að nefna urðunarstað að Tjarnalandi í neyðaráætlun sinni.

Samþykkt samhljóða með handauppréttingu.

6.Lausaganga hrossa, föngun.

Málsnúmer 201908037Vakta málsnúmer

Tilkynning barst laugardaginn 3. ágúst sl. frá lögreglu vegna ágengni graðhests.

Þar sem um margendurtekið brot er að ræða er lagt til að málsmeðferð verði í samræmi við 4. mgr. 6. gr. laga um búfjárhald nr. 38/2002.

Samþykkt samhljóða með handauppréttingu.

7.Aðalskoðun leiksvæða 2019

Málsnúmer 201907042Vakta málsnúmer

Til umfjöllunar er tilboð í aðalskoðun leiksvæða á Fljótsdalshéraði.

Umhverfis- og framkvæmdanefnd samþykkir að láta fara fram aðalskoðun leiksvæða á Fljótsdalshéraði og felur yfirmanni eignasjóðs að leita eftir tilboðum.

Samþykkt samhljóða með handauppréttingu.

Kjartan Róbertsson sat fund undir þessum lið.

8.Breyting á aðalskipulagi fyrir hluta Grundar á Efra Jökuldal

Málsnúmer 201806085Vakta málsnúmer

Fyrir fundi liggur afgreiðsla breytingar á aðalskipulagi Fljótsdalshéraðs. Að lokinni kynningu á vinnslustigi.

Máli frestað.

9.Deiliskipulag Stuðlagil - Grund

Málsnúmer 201810120Vakta málsnúmer

Að gefnu áliti Skipulagsstofnunar er tillaga að deiliskipulagi tekin aftur til umfjöllunar. Skipulagsstofnun leggur til að tillaga verði auglýst að nýju.

Máli frestað.

10.Fundartími Umhverfis- og framkvæmdanefndar 2018 - 2019

Málsnúmer 201806135Vakta málsnúmer

Farið yfir fundardagskrá og vetrardagskrá Umhverfis- og framkvæmdanefndar.

Umhverfis- og framkvæmdanefnd leggur til eftirfarandi fundardaga fram að jólum:
28. ágúst, 11. og 25. september, 9. og 23. október, 13. og 27. nóvember og 11. desember.

Samþykkt samhljóða með handauppréttingu.

11.Styrkvegir 2019

Málsnúmer 201904016Vakta málsnúmer

Tilkynning um úthlutun styrks til styrksvega 2019.

Lagt fram til kynningar.

12.Ósk um fjölgun matshluta á Lagarfelli 12

Málsnúmer 201908033Vakta málsnúmer

Erindi frá Vilmundínu með ósk um leyfi fyrir fjölgun íbúða að Lagarfelli 12 úr einni íbúð í tvær.

Umhverfis- og framkvæmdnefnd leggur til við bæjarstjórn að leyfi verði gefið fyrir fjölgun íbúða, lagt er til að málsmeðferð verði í samræmi við 44. gr. Skipulagslaga nr. 123/2010.

Samþykkt samhljóða með handauppréttingu.

13.Umsókn um skráningu nýrra landeigna í fasteignaskrá úr landi Stóra- Steinsvaði,

Málsnúmer 201907008Vakta málsnúmer

Ósk um stofnun landeignar úr landi Stóra- Steinsvaðs.

Umhverfis- og framkvæmdanefnd leggur til að leitað verði eftir áliti stofnunar Árna Magnússonar varðandi nafngift í samræmi við 6. gr. reglugerð nr. 577/2017

Samþykkt samhljóða með handauppréttingu.

14.Umsókn um byggingarlóð / Klettasel 7

Málsnúmer 201809002Vakta málsnúmer

Ósk frá lóðahafa Klettasels 5 um að breyta um lóð og fá lóð að Klettaseli 3 úthlutað.

Umhverfis- og framkvæmdanefnd leggur til við bæjarstjórn að heimila breytingu á lóð.

Samþykkt samhljóða með handauppréttingu.

15.Leiðréttingu á lóðastærð, Lagarfell 12

Málsnúmer 201907047Vakta málsnúmer

Ósk um leiðréttingu á lóðaleigussamningi fyrir Lagarfell 12.

Umhverfis- og framkvæmdanefnd felur byggingarfulltrúa að leiðrétta lóðarstærð í samræmi við fylgigögn.

Samþykkt samhljóða með handauppréttingu.

16.Umsókn um byggingarleyfi fyrir tengihúsi við Eyvindará

Málsnúmer 201906045Vakta málsnúmer

Óskað eftir endurskoðun á afstöðu nefndarinnar.

Umhverfis- og framkvæmdnefnd leggur til við bæjarstjórn að málið fái málsmeðferð í samræmi við 44. gr. Skipulagslaga nr. 123/2010.

Samþykkt samhljóða með handauppréttingu.


17.Umsókn um skráningu nýrra landeigna í fasteignaskrá úr landi Fremri - Galtarstaður

Málsnúmer 201907046Vakta málsnúmer

Erindi frá Ríkiseign þar sem óskað er eftir stækkun og breytingu á nafni lóðarinnar Fremri- Galtastaðir 1.

Frestað.

18.Umsókn um leyfi til uppsetningar á vindmælingabúnaði

Málsnúmer 201907026Vakta málsnúmer

Máli frestað.

19.Deiliskipulag Valgerðarstöðum

Málsnúmer 201908064Vakta málsnúmer

Máli frestað.

Fundi slitið - kl. 20:00.