Umhverfis- og framkvæmdanefnd

109. fundur 27. mars 2019 kl. 17:00 - 20:00 í fundarsal bæjarstjórnar
Nefndarmenn
  • Guðfinna Harpa Árnadóttir formaður
  • Benedikt Hlíðar Stefánsson varaformaður
  • Karl Sigfús Lauritzson aðalmaður
  • Kristjana Sigurðardóttir aðalmaður
  • Margrét Sigríður Árnadóttir varamaður
  • Gunnlaugur Rúnar Sigurðsson skipulags- og byggingarfulltrúi
Fundargerð ritaði: Gunnlaugur Rúnar Sigurðsson skipulags- og byggingarfulltrúi
Í upphafi fundar óskaði formaður eftir að bæta við tveim málum og eru þau númer 14 og 15, umsókn um byggingarleyfi fyrir tvíbýlishúsi að Fjóluhvammi 3 og viðhald og uppsetning á ljósabúnaði í dreifbýli.

Samþykkt samhljóða með handauppréttingu.

1.Lýsing fyrir gerð landskipulagsstefnu

Málsnúmer 201903119Vakta málsnúmer

Skipulagsstofnun vill vekja athygli á því að lýsing fyrir gerð landsskipulagsstefnu um loftslag, landslag og lýðheilsu er til kynningar og skipulagsnefndir eru hvattar til að kynna sér efni hennar. Kynningartími er til 8. apríl 2019


Lagt fram til kynningar

2.Heimsmarkmið Sameinuðu þjóðanna

Málsnúmer 201812006Vakta málsnúmer

Að tillögu ungmennaráðs Fljótsdalshéraðs samþykkir bæjarstjórn að stofnaður verði starfshópur um endurskoðun á núgildandi umhverfisstefnu sveitarfélagsins og að Heimsmarkmið Sameinuðuþjóðanna verði höfð að leiðarljósi við þá vinnu. Einnig verði horft til Heimsmarkmiðanna við endurskoðun aðalskipulags Fljótsdalshéraðs. Þess verði gætt að ungmennaráð eigi virka þátttöku í slíkum starfshópi.

Umhverfis- og framkvæmdanefnd leggur til við bæjarráð að starfshópur um endurskoðun umhverfisstefnu sveitarfélagsins verði skipaður einum fulltrúa frá hverju framboði, einnig verði fulltrúi úr ungmennaráði og verkefnastjóri umhverfismála í starfshópnum.

Samþykkt samhljóða með handauppréttingu.

3.Umsókn um leyfi til skógræktar í landi Keldhóla á Völlum

Málsnúmer 201902115Vakta málsnúmer

Fyrir Umhverfis- og framkvæmdanefnd liggur fyrir erindi varðandi skógrækt á jörðinni Keldhólar.

Málið var áður á dagskrá 108. fundar Umhverfis- og framkvæmdanefndar.

Máli frestað þar sem enn vantar gögn.

4.Umsókn um byggingarleyfi fyrir þjónustuhúsi, Möðrudal.

Málsnúmer 201902105Vakta málsnúmer

Fyrir Umhverfis- og framkvæmdanefnd liggur erindi frá Fjalladýrð ehf. þar sem sótt er um byggingarleyfi fyrir þjónustuhúsnæði í landi Möðrudals.
Málið var áður á dagskrá 108. fundar Umhverfis- og framkvæmdanefndar.

Frestað þar sem enn vantar gögn

5.Norðvestursvæði Egilsstaðir, deiliskipulag

Málsnúmer 201804035Vakta málsnúmer

Fyrir Umhverfis- og framkvæmdanefnd liggur tillaga að óverulegri breytingu á deiliskipulagi Norðvestursvæðis Egilsstaða, breyting snýr að Lagarási 21 - 33.

Mál í vinnslu.

6.Umsókn um lóð, Kaupvangur 23

Málsnúmer 1903061Vakta málsnúmer

Umsókn um lóðina Kaupvang 23 frá Atla Vilhelm Hjartarsyni

Umhverfis- og framkvæmdanefnd felur skipulags- og byggingarfulltrúa að vinna að málinu.

Máli frestað til næsta fundar.

7.Umsókn um lóð - Dalsel 1-5

Málsnúmer 201903066Vakta málsnúmer

Umsókn um lóðina Dalsel 1 til 5 frá Hoffell ehf.


Umhverfis- og framkvæmdanefnd leggur til við bæjarstjórn að lóðinni Dalsel 1-5 verði úthlutað samkvæmt umsókn.

Samþykkt samhljóða með handauppréttingu.

8.Umsókn í Framkvæmdasjóð ferðamannastaða 2018

Málsnúmer 201809014Vakta málsnúmer

Fyrir liggur bréf frá Ferðamálastofu þar sem tilkynnt er staðfesting ferðamála- iðnaðar- og nýsköpunarráðherra á tillögu stjórnar Framkvæmdasjóðs ferðamannastaða um styrkveitingu til verkefnisins "Laugavellir, Hafrahvammagljúfur og Magnahellir: Verndun náttúru og bætt öryggi gesta".

Umhverfis- og framkvæmdanefnd fagnar styrkveitingu til verkefnisins sem er brýnt.


9.Endurskoðun Fjallskilasamþykktar fyrir Múlasýslur

Málsnúmer 201806043Vakta málsnúmer

Fyrir liggur endurskoðuð Fjallskilasamþykkt starfssvæðis SSA (áður Fjallskilasamþykkt fyrir Múlasýslur) til samþykktar eða ábendinga.

Frestað.

10.Ný tillaga að samstarfi Fljótsdalshéraðs við Villiketti, félagasamtök

Málsnúmer 201902083Vakta málsnúmer

Farið yfir afstöðu MAST til samstarfs við Villiketti félagasamtök.

Lagt fram til kynningar.

11.Gönguleið barna í Fellabæ

Málsnúmer 201903111Vakta málsnúmer

Erindi frá Vegagerðinni varðandi gönguleiðir.

Umhverfis- og framkvæmdanefnd samþykkir erindi Vegagerðarinnar og fagnar því að unnið sé að því að beina börnum öruggari gönguleiðir í samræmi við umferðaröryggisáætlun sveitarfélagsins.
Sveitarfélagið mun leggja sitt af mörkum þannig að verkefnið nái fram að ganga.

Samþykkt samhljóða með handauppréttingu.

12.Beiðni um úrbætur á bílasæðamálum í kringum Hlaðir Fellabæ

Málsnúmer 201903090Vakta málsnúmer

Erindi frá Grétu Sigurjónsdóttir þar sem óskað er eftir samstarfi um úrbætur í bílastæðamálum við Bókakaffi Hlöðum.

Mál í vinnslu.

13.Landbótasjóður 2019

Málsnúmer 201901205Vakta málsnúmer

Árskýrsla Landbótasjóðs Norður- Héraðs 2018 lögð fram til kynningar.

Lagt fram til kynningar.

14.Umsókn um byggingarleyfi fyrir tvíbýlishúsi að Fjóluhvammi 3

Málsnúmer 201902042Vakta málsnúmer

Fyrirspurn frá lóðahafa um staðsetning byggingar innan byggingarreits.

Umhverfis- og framkvæmdanefnd felur skipulags- og byggingarfulltrúa að kynna erindið í samræmi við 2 og 3 mgr. 44. gr. skipulagslaga nr. 123/2010.

Samþykkt samhljóða með handauppréttingu.

15.Viðhald og uppsetning á ljósabúnaði í dreifbýli.

Málsnúmer 201710026Vakta málsnúmer

Fyrir Umhverfis- og framkvæmdanefnd liggur fyrir enduskoðun á samþykkt um viðhald og uppsetningu á ljósabúnaði í dreifbýli.


Frestað til næsta fundar.

Fundi slitið - kl. 20:00.