Umhverfis- og framkvæmdanefnd

85. fundur 14. febrúar 2018 kl. 17:00 - 22:30 í fundarsal bæjarstjórnar
Nefndarmenn
  • Árni Kristinsson formaður
  • Þórhallur Borgarson varaformaður
  • Guðrún Ragna Einarsdóttir aðalmaður
  • Ester Kjartansdóttir aðalmaður
  • Páll Sigvaldason aðalmaður
  • Gunnlaugur Rúnar Sigurðsson skipulags- og byggingarfulltrúi
Fundargerð ritaði: Gunnlaugur Rúnar Sigurðsson skipulags- og byggingarfulltrúi
Í upphaf fundar óskaði formaður eftir að fá að bæta við fjórum málum og eru þau, Rafbílavæðing, Norrænt samstarfsverkefni um betri bæi, Umsókn um skráningu nýrra landareignar í fasteignaskrá, Laufás Hjaltastaðaþinghá og breyting á deiliskipulagi Flugvallar og verða þau númer 15, 16, 17 og 18.

Samþykkt samhljóða með handauppréttingu.

1.Umsókn um framkvæmdaleyfi vegna endurnýjunar og áætlunar um uppbyggingu á fráveitu Egilsstaða. Fyrsta áfanga.

Málsnúmer 201801084Vakta málsnúmer

Umsókn frá HEF ehf. um framkvæmdaleyfi vegna endurnýjunar og áætlunnar um uppbyggingu á fráveitu Egilsstaða. Fyrsta áfangi.

Umhverfis- og framkvæmdanefnd leggur til við bæjarstjórn að hafin verði vinna við breytingu á Aðalskipulagi Fljótsdalshéraðs 2008 - 2028 þar sem lega stofnlagna verði sýnd.

Samþykkt samhljóða með handauppréttingu.

Gestum þakkað fyrir kynninguna

Gestir

  • Gunnar Jónsson - mæting: 18:40
  • Guðmundur Davíðsson - mæting: 18:40

2.Heimatún 1 Viðhald

Málsnúmer 201704029Vakta málsnúmer

Fyrir fundinnum liggja niðurstöður vegna útboðs á viðhaldi og breytingum á Heimatúni 1.

Tilboð bárust frá eftirtöldum aðilum, eftir yfirferð eru tilboðin svohljóðandi:
Ævarandi ehf. 16.900.000 kr.
Og synir ehf. 23.367.300 kr.
MVA ehf. 24.500.000 kr.
Launafl ehf. 29.175.495 kr.

Kostnaðaráætlun var upp á kr.13.586.100

Umhverfis- og framkvæmdanefnd samþykkir að gengið verði til samninga við lægstbjóðanda.

Samþykkt samhljóða með handauppréttingu.

Gestir

  • Kjartan Róbertsson - mæting: 19:40

3.Viðhald / úrbætur á Kaupvangi 17

Málsnúmer 201801031Vakta málsnúmer

Lögð fram gögn vegna úrbóta á húsnæðinu að Kaupvangi 17.

Málið var áður á dagskrá á 83. fundi Umhverfis- og framkvæmdanefndar.

Umhverfis- og framkvæmdanefnd samþykkir að farið verði í framkvæmd í samræmi við tillögu 2. jafnframt er starfsmanni falið að vinna verkið áfram í samræmi við innkaupareglur sveitafélagsins.

Samþykkt samhljóða með handauppréttingu.

Gestir

  • Kjartan Róbertsson - mæting: 19:40

4.Hljóðvist í Íþróttamiðstöð. (2018)

Málsnúmer 201801121Vakta málsnúmer

Lagt fram minnisblað frá Mannvit vegna hljóðmælinga í íþróttasal Íþróttamiðstöðvar.

Umhverfis- og framkvæmdanefnd felur starfsmanni að vinna málið áfram og leggja fyrir nefndina.

Samþykkt samhljóða með handauppréttingu.

Gestir

  • Kjartan Róbertsson - mæting: 19:40

5.Hljóðvist í leikskólanum Tjarnarskógur.(2018)

Málsnúmer 201801120Vakta málsnúmer

Lagt fram minnisblað frá Mannvit vegna hljóðmælinga í leikskólanum Tjarnaskógur, Tjarnaland.

Umhverfis- og framkvæmdanefnd felur starfsmanni að vinna málið áfram og leggja fyrir nefndina.

Samþykkt samhljóða með handauppréttingu.

Gestir

  • Kjartan Róbertsson - mæting: 19:50

6.Sorphirðudagatöl 2018

Málsnúmer 201801118Vakta málsnúmer

Lögð fram sorphirðudagtöl fyrir 2018.

Lagt fram til kynningar.

Gestir

  • Freyr Ævarsson - mæting: 19:55

7.Skógrækt á jörðinn Brú 2 á Jökuldal

Málsnúmer 201801095Vakta málsnúmer

Fyrir liggur tilkynning varðandi skógræktarsamning að Brú 2. Jökuldal. Óskað er álits sveitafélagsins, samkvæmt reglugerð nr. 772/2012, um framkvæmdaleyfi.

Umhverfis- og framkvæmdanefnd gerir ekki kröfur um framkvæmdaleyfi fyrir fyrirhugaðri skógrækt.

Samþykkt samhljóða með handauppréttingu.

Gestir

  • Freyr Ævarsson - mæting: 20:10

8.Vinnuskóli 2018

Málsnúmer 201801053Vakta málsnúmer

Lög eru fram gögn um laun nemenda vinnuskólans.

Umhverfis- og framkvæmdanefnd samþykkir að launataxtar nemenda í vinnuskóla verði hlutfall af launaflokki 116 hjá FOSA sem hér segir:

13 ára 35%
14 ára 40%
15 ára 50%
16 ára 60%

Samþykkt samhljóða með handauppréttingu.

Gestir

  • Freyr Ævarsson - mæting: 20:40

9.Umsókn um byggingarlóð Miðási 47.

Málsnúmer 201801114Vakta málsnúmer

Umsókn um lóðina Miðás 47 frá Unnari Elíssyni.

Umhverfis- og framkvæmdanefnd samþykkir lóðaúthlutunina.

Samþykkt samhljóða með handauppréttingu.

10.Gjaldskrá og samþykkt um gatnagerðargjald, byggingarleyfisgjald og þjónustugöld byggingarfulltrúa á Fljótsdalshéraði 2018

Málsnúmer 201802035Vakta málsnúmer

Máli frestað til næsta fundar.

11.Verklag fyrir gæludýraeftirlitsmenn á Austurlandi

Málsnúmer 201802036Vakta málsnúmer

Lögðar fram drög að verklagsreglum fyrir dýraeftirlitsmenn frá HAUST.

Mál í vinnslu.

12.Skriðdals- og Breiðdalsvegur -Framkvæmdaleyfi

Málsnúmer 201802037Vakta málsnúmer

Erindi frá Vegagerðinni þar sem sótt er um framkvæmdaleyfi fyrir Skriðdals- og Breiðdalsvíkurveg, Skriðuvatn- Axarvegur, á um 6 km löngum kafla.

Umhverfis- og framkvæmdanefnd fagnar löngu tímabærum samgöngubótum í Skriðadal sem munu koma sér vel fyrir allt Austurland.

Nefndin leggur til við bæjarstjórn að framkvæmdaleyfi verði gefið út þegar fyrir liggur samþykki landeiganda.

Samþykkt samhljóða með handauppréttingu

13.Davíðsstaðir - aðalskipulagsbreyting

Málsnúmer 201706094Vakta málsnúmer

Fyrir liggur tillaga að breyting á Aðalskipulagi Fljótsdalshéraðs 2008 - 2028 þar sem breytt er landnotkunarflokk fyrir Davíðsstaði. Tillagan var kynnt frá 18. desember til 22. janúar. Athugsemd barst frá Skipulagsstofnun.

Umhverfis- og framkvæmdanefnd samþykkir að skipulagsráðgjafi geri breytingar á tillögunni í samræmi við athugasemdir Skipulagsstofnunar, að breytingum loknum er lagt til að bæjarstjórn samþykki tillöguna til auglýsingar í samræmi við 30. gr. skipulagslaga nr. 123/2010.

Samþykkt samhljóða með handauppréttingu

14.Nýbygging Hallbjarnarstöðum, heimreið.

Málsnúmer 201802038Vakta málsnúmer

Erind frá ábúendum á Hallbjarnastöðum Jóni Runólfi Jónssyni og Mörtu Kristínu Sigurbergsdóttur varðandi veglögn að fyrirhugaðri nýbyggingu.

Umhverfis- og framkvæmdanefnd gerir ekki athugasemd við áformin.

Samþykkt samhljóða með handauppréttingu.

15.Rafbílavæðing

Málsnúmer 201702095Vakta málsnúmer

Fyrir liggja tilboð frá Hlöðu og Ísorku um uppsetningu á hleðslustöðvum í sveitarfélaginu.

Umhverfis- og framkvæmdanefnd leggur til að gengið verði til samninga við Hlöðu í samræmi við tilboð frá janúar 2018.
Lagt er til að stöðvarnar verði staðsettar við Fellavöll, Vilhjálmsvöll og tvær við tjaldsvæðið við Kaupvang.

Samþykkt samhljóða með handauppréttingu.

Gestir

  • Freyr Ævarsson - mæting: 21:00

16.Umsókn um skráningu nýrra landeigna í fasteignaskrá, Laufás Hjaltastaðaþinghá

Málsnúmer 201711106Vakta málsnúmer

Lögð er fram umsókn frá Guðmundi Karli Sigurðssyni þar sem óskað er eftir umsögn um landskipti jarðarinnar Laufás í Hjaltastaðaþinghá.

Umhverfis- og skipulagsnefnd leggur til að bæjarstjórn veiti jákvæða umsögn um landskiptin.

Samþykkt samhljóða með handauppréttingu.

17.Breyting á deiliskipulagi Flugvallar

Málsnúmer 201802076Vakta málsnúmer

Fyrir liggur ósk um breytingu á deiliskipulagi Egilsstaðaflugvallar. Breyting snýr að eftirfarandi þáttum:

Fullnægja reglugerð og kröfum um stjórnsýslumeðferð er varða flugvelli samkvæmt reglugerð Evrópuþingsins og
ráðsins (EB) nr. 216/2008.
· Deiliskipulagssvæðið stækkað til að gera ráð fyrir framtíðaruppbyggingu flugvallar
sbr. greinagerð með aðalskipulagi.
· Stækkun flughlaðs og bætt við akstursbraut (taxibraut) fyrir flugvélar.
· Byggingareitur (10) stækkaður í 57.000 m² og færður til fyrir framtíðaruppbyggingu.
Skiptist nýting hans í byggingar (25.200 m²), flughlað og bílastæði. Leyfilegt nýtingahlutfall
(fótspor bygginga) er 0,45.
· Gert ráð fyrir framtíðarstaðsetningu nýrra bílastæða. Heildarflatamál bílastæðareits er 13.300 m²
sem fullnægir þörfum ef byggingarreitur 10 verður fullnýttur. Almennt er gert ráð fyrir 1 bílastæði
á hverja 150 m² vegna bygginga nema við flugstöð er gert ráð fyrir 1 bílastæði á hverja 50 m². Heildarfjöldi
bílastæða er að hámarki 380 bílastæði.
· Afmarkaðar eru 6 nýjar lóðir, 3 lóðir stækkaðar og gefin götuheiti;
- Gerð er lóð utan um Flugstöðvarbyggingu (Flugvallarvegur 17).
- Gerðar eru 5 nýjar lóðir fyrir flugvallarstarfsemi merktar 12 á uppdrátt (Flugvallarvegur 1-9).
- Lóð sem er utan um hús 2 stækkar (Flugvallarvegur 15).
- Lóð sem er utan um hús 4 stækkar (Flugvallarvegur 13).
- Lóð sem er utan um hús 5 stækkar (Flugvallarvegur 11).
· Byggingareitur áður merktur 5 verður merktur 12 eins og aðrir lausir byggingarreitir. Leyfilegt byggingarmagn
á byggingarreitum 12 verður það sama en nýtingahlutfall (fótspor bygginga) er 0,50.
· Framtíðar aðkoma flugvallar færist.

Umhverfis- og framkvæmdanefnd leggur til við bæjarstjórn að tillagan fái afgreiðslu í samræmi við 43. gr. skipulagslaga nr. 123/2010.

Samþykkt samhljóða með handauppréttingu.

Fundi slitið - kl. 22:30.