Samningaviðræður vegna Kröflulínu 3/Fundarboð

Málsnúmer 201712011

Vakta málsnúmer

Bæjarráð Fljótsdalshéraðs - 410. fundur - 11.12.2017

Lagt fram fundarboð vegna samningaviðræðna um Kröflulínu 3, sem áformað er að liggi um land Sænautasels sem er í eigu Fljótsdalshéraðs. Fundurinn er boðaður á Hótel Héraði þann 13. desember nk. kl. 14:15.

Bæjarráð samþykkir að bæjarráð ásamt skipulags- og byggingarfulltrúa mæti á fundinn fyrir hönd sveitarfélagsins.

Samþykkt samhljóða með handauppréttingu.

Bæjarráð Fljótsdalshéraðs - 420. fundur - 12.03.2018

Farið yfir gögn varðandi samninga vegna Kröflulínu 3. Bæjarstjóra falið að undirbúa samningaviðræður, en fundur um málið er boðaður á Hótel Héraði 13. mars kl. 11:00.

Bæjarráð Fljótsdalshéraðs - 425. fundur - 23.04.2018

Farið yfir drög að samningi vegna Kröflulínu 3. Jón Jónsson lögmaður var í símasambandi við bæjarráð og tók þátt í fundinum undir þessum lið.
Boðað hefur verið til samningafundar um málið kl. 10:00 2. maí nk. Fulltrúar í bæjarráði verða boðaðir á þann fund, ásamt formanni umhverfis- og framkvæmdanefndar og skipulags- og byggingafulltrúa.

Bæjarráð Fljótsdalshéraðs - 429. fundur - 04.06.2018

Lögð fram drög að samningi milli Landsnets og Fljótsdalshéraðs vegna fyrirhugaðrar lagningar Kröflulínu 3 um jörðina Sænautasel, sem er í eigu sveitarfélagsins.
Bæjarráð leggur til við bæjarstjórn að samningurinn verði samþykktur og bæjarstjóra verði falið að undirrita hann.