Rafbílavæðing

Málsnúmer 201702095

Vakta málsnúmer

Umhverfis- og framkvæmdanefnd - 64. fundur - 22.02.2017

Lagt er fyrir nefndina bréf Ísorku vegna rafbílavæðingar á Fljótsdalshéraði.
Tilefni bréfsins er tvíþætt, annarsvegar að minna á uppsetninguna og hinsvegar að bjóða upp á að tengja stöðina við Ísorku.

Umhverfis- og framkvæmdanefnd óskar eftir því að bréfritari kynni erindið frekar fyrir nefndinni, að öðru leiti er erindið lagt fram til kynningar.

Umhverfis- og framkvæmdanefnd - 65. fundur - 08.03.2017

Lagt er fyrir erindi Ísorku að nýju.
Á síðasta fundi Umhverfis- og framkvæmdanefndar var óskað eftir frekari gögnum.

Starfsmaður Ísorku Sigurður Ástgeirsson, tengist með fjarbúnaði á fundartíma til að kynna rekstrar- og upplýsingakerfi Ísorku.

Umhverfis- og framkvæmdanefnd samþykkir að rafhleðslustöðin sem gefin var af Orkusölunni verði sett upp við íþróttamiðstöðina á Egilsstöðum og að verkið verði unnið í samvinnu við Ísorku samkvæmt fyrirliggjandi gögnum.

Samþykkt samhljóða með handauppréttingu.

Umhverfis- og framkvæmdanefnd - 67. fundur - 10.04.2017


Afgreiðsla nefndarinnar frá 65. fundi verði óbreytt.

Samþykkt samhljóða með handauppréttingu.

Gestir

  • Jón Steinar Garðarsson Mýrdal - mæting: 18:45
  • Freyr Ævarsson - mæting: 18:45

Umhverfis- og framkvæmdanefnd - 70. fundur - 24.05.2017

Umhverfis- og framkvæmdanefnd samþykkir að taka þátt í verkefninu með Austurbrú.
Jafnframt samþykkir nefndin að leitað verði tilboða í:

1) Kaup á hleðslustöðvum
2) A) Þjónustukerfi fyrir stöðvarnar
og / eða
B) Fullan rekstur stöðvanna

Erindi verði svo lagt fyrir fund að nýju að þeirri vinnu lokinni.

Samþykkt samhljóða með handauppréttingu.

Gestir

  • Freyr Ævarsson

Umhverfis- og framkvæmdanefnd - 76. fundur - 13.09.2017

Fyrir liggur samantekt á tilboðum í rekstur rafhleðslustöðva.

Mál í vinnslu.

Umhverfis- og framkvæmdanefnd - 77. fundur - 27.09.2017

Fyrir liggur samantekt á tilboðum í rekstur rafhleðslustöðva.

Málið var áður á dagskrá 13.september sl.

Í ljósi breyttra aðstæðna og þess að fyrirtæki eru nú að setja upp hleðslustöðvar þá gerir nefndin það að tillögu sinni að sveitafélagið taki ekki þátt í verkefninu að svo stöddu.

Samþykkt samhljóða með handauppréttingu.

Umhverfis- og framkvæmdanefnd - 80. fundur - 08.11.2017

Málinu var vísað frá bæjarstjórn til nefndar.

Undir þessum dagskrárlið mætti Jón Steinar Garðarsson Mýrdal, verkefnastjóri hjá Austurbrú og fór yfir málið.

Umhverfis- og framkvæmdanefnd telur rétt að hleðslustöðvar séu í eigu sveitarfélagsins í byrjun.
Nefndin óskar eftir nánari útfærslu á tilboði Hlöðu og felur Skipulags-og byggingarfulltrúa að vinna málið áfram í samstarfi við Austurbrú, Fljótsdalshrepp og Fjarðabyggð.

Umhverfis- og framkvæmdanefnd þakkar Jón Steinar fyrir kynninguna.

Jón Steinar vék af fundi kl.18:00

Samþykkt samhljóða með handauppréttingu

Umhverfis- og framkvæmdanefnd - 85. fundur - 14.02.2018

Fyrir liggja tilboð frá Hlöðu og Ísorku um uppsetningu á hleðslustöðvum í sveitarfélaginu.

Umhverfis- og framkvæmdanefnd leggur til að gengið verði til samninga við Hlöðu í samræmi við tilboð frá janúar 2018.
Lagt er til að stöðvarnar verði staðsettar við Fellavöll, Vilhjálmsvöll og tvær við tjaldsvæðið við Kaupvang.

Samþykkt samhljóða með handauppréttingu.

Gestir

  • Freyr Ævarsson - mæting: 21:00

Umhverfis- og framkvæmdanefnd - 90. fundur - 25.04.2018

Lagður er fram samningur milli Fljótsdalshéraðs og Hlöðu ehf.

Málið er í vinnslu.

Umhverfis- og framkvæmdanefnd - 95. fundur - 15.08.2018

Umhverfis- og framkvæmdanefnd samþykkir fyrirliggjandi samning með fyrirvara um álit lögfræðings.

Samþykkt samhljóða með handauppréttingu.

Fundi frestað til kl. 17.00 þann 16. ágúst. nk.

Af fundi viku þær Guðfinna Harpa Árnadóttir og Anna Alexandersdóttir.

Bæjarráð Fljótsdalshéraðs - 436. fundur - 27.08.2018

Farið yfir athugasemdir lögfræðings á samningsdrögum sem hafa borist varðandi uppsetningu rafhleðslustöðva. Samþykkt að fá verkefnastjóra í orkuskiptum á Austurlandi til að koma til fundar við bæjarráð og fara yfir málið.

Bæjarráð Fljótsdalshéraðs - 441. fundur - 01.10.2018

Til fundarins mætti Jón Steinar Mýrdal verkefnastjóri frá Austurbrú og Freyr Ævarsson verkefnisstjóri umhverfismála hjá Fljótsdalshéraði. Fór Jón í fyrstu yfir undirbúning á vegum Austurbrúar að uppsetningu rafhleðslustöðva á Austurlandi. Einnig var farið yfir drög að samningi um uppsetningu og rekstur rafhleðslustöðva og athugasemdir við þau. Síðan svöruðu þeir Jón og Freyr spurningum fundarmanna.
Málið er áfram í vinnslu og stefnt að því að ljúka gerð samnings sem fyrst.

Umhverfis- og framkvæmdanefnd - 101. fundur - 14.11.2018

Fyrir liggur samningur við Hlöðu um uppsetningu rafhleðslustöðva á Fljótsdalshéraði. Erindið var áður á dagskrá 95. fundar umhverfis- og framkvæmdanefndar.

Lagt fram til kynningar.

Umhverfis- og framkvæmdanefnd - 104. fundur - 09.01.2019

Fyrir liggur að staðsetja hleðslustöðvar í samræmi við samning við Hlöðu um uppsetningu rafhleðslustöðva á Fljótsdalshéraði.


Umhverfis- og framkvæmdanefnd leggur til að stöðvarnar verði staðsettar við Fellavöll, Vilhjálmsvöll og tvær við Sláturhúsið.

Samþykkt samhljóða með handauppréttingu.