Tónlistarskólinn í Fellabæ - fjárhagsáætlun 2016

Málsnúmer 201509053

Vakta málsnúmer

Fræðslunefnd Fljótsdalshéraðs - 221. fundur - 22.09.2015

Drífa Sigurðardóttir kynnti forsendur framlagðrar áætlunar fyrir Tónlistarskólann í Fellabæ fyrir 2016. Hún ítrekaði þá óvissu sem fylgir því að kjarasamningar tónlistarkennara eru lausir nú í haust. Fram kom að lítils háttar biðlisti er við skólann og Drífa telur æskilegt að geta bætt við hluta úr stöðugildi til að geta tekið inn þá nemendur sem eru á biðlista. Sú viðbót er ekki á framlagðri áætlun fyrir 2016. Áætlunin verður afgreidd með heildaráætlun fræðslusviðs.

Samþykkt samhljóða með handauppréttingu.

Bæjarstjórn Fljótsdalshéraðs - 225. fundur - 21.10.2015

Vísað til vinnu við gerð fjárhagsáætlunar 2016.

Fræðslunefnd Fljótsdalshéraðs - 225. fundur - 10.11.2015

Drífa Sigurðardóttir skólastjóri Tónlistarskólans í Fellabæ svaraði fyrirspurnum.

Mál í vinnslu.

Fræðslunefnd Fljótsdalshéraðs - 226. fundur - 24.11.2015

Fræðslunefnd samþykkir að vísa framlagðri fjárhagsáætlun Tónlistarskólans í Fellabæ fyrir árið 2016 til endanlegrar afgreiðslu bæjarstjórnar. Fræðslunefnd leggur áherslu á að í launaáætlun er nú gert ráð fyrir fyrirséðum og ófyrirséðum launahækkunum. Mikilvægt er að skólastjórnendur hafi þessa breytingu í huga við mat á þróun launaliðar á árinu 2016. Þar sem enn eru ófrágengnir kjarasamningar og þar sem verulegar breytingar geta verið í aðstæðum skólastofnana milli skólaára mun fræðslunefndin fylgjast grannt með þróun kostnaðarliða framan af árinu 2016 með tilliti til þess að bregðast við í tíma ef nauðsyn ber til.

Áætlunin gerir ráð fyrir 5% hækkun tónlistarskólagjalda frá og með skólaárinu 2016-2017.

Samþykkt samhljóða með handauppréttingu.

Bæjarstjórn Fljótsdalshéraðs - 228. fundur - 01.12.2015

Afgreitt undir lið 1 í þessari fundargerð.