Fundur leik- og grunnskólastjóra á Austurlandi vegna sameiginlegs verkefnis um bættan námsárangur

Málsnúmer 201501223

Vakta málsnúmer

Fræðslunefnd Fljótsdalshéraðs - 212. fundur - 27.01.2015

Kynntir þeir sáttmálar sem stjórnendur leik- og grunnskóla undirrituðu eftir sameiginlegan starfsdag á Austurlandi fyrr í mánuðinum. Rætt um möguleika á að fræðslunefndarfulltrúar á svæðinu hittist með svipuðum hætti og kynnist forsendum verkefnisins. Jafnframt rætt um að það sé mikilvægt að skólastjórnendur í sveitarfélaginu taki málið til umfjöllunar á sameiginlegum fundum.

Bæjarstjórn Fljótsdalshéraðs - 210. fundur - 04.02.2015

Eftirfarandi tillaga lögð fram:
Bæjarstjórn lýsir ánægju sinni með sameiginlegt verkefni leik- og grunnskóla á Austurlandi og hvetur til samstarfs um þetta mikilvæga mál.

Samþykkt samhljóða með handauppréttingu.

Fræðslunefnd Fljótsdalshéraðs - 220. fundur - 08.09.2015

Fræðslunefnd leggur áherslu á að fram fari aukin samræða milli skólastiganna um verkefnið. Fræðslufulltrúa falið að boða til sameiginlegs fundar leik- og grunnskólastjóra og bjóða fulltrúum í fræðslunefnd þátttöku á slíkum fundi. Að öðru leyti er vísað til bókunar við lið 4 hér að framan. Samþykkt samhljóða með handauppréttingu.

Bæjarstjórn Fljótsdalshéraðs - 223. fundur - 16.09.2015

Eftirfarandi tillaga lögð fram:
Bæjarstjórn tekur undir með fræðslunefnd og leggur áherslu á að fram fari aukin samræða milli skólastiganna um verkefnið. Fræðslufulltrúa falið að boða til sameiginlegs fundar leik- og grunnskólastjóra og bjóða fulltrúum í fræðslunefnd þátttöku á slíkum fundi.

Samþykkt samhljóða með handauppréttingu.

Fræðslunefnd Fljótsdalshéraðs - 227. fundur - 08.12.2015

Skólastjórnendur kynntu stöðu vinnunnar í hverjum og einum skóla.