Egilsstaðaskóli - nemendamál kynnt á fundinum

Málsnúmer 201411121

Vakta málsnúmer

Fræðslunefnd Fljótsdalshéraðs - 209. fundur - 25.11.2014

Sigurlaug Jónasdóttir kynnti málið sem varðar einkum tvo nemendur. Nemendum í skólanum fjölgar jafnt og þétt og verða frá næstu mánaðarmótum 370. Þar sem fjölgað hefur nemendum sem þurfa sérstakan stuðning óskar skólinn eftir heimild til að ráða stuðningsfulltrúa í hálft starf fram til vors. Gert er ráð fyrir að af þessu hlytist viðbótarkostnaður sem nemur um kr. 1.000.000 á árinu 2015. Fræðslunefnd samþykkir að veita heimilid fyrir ráðningunni en fer fram á að beðið verði með afgreiðslu á viðbótarfjárþörf þar til staða mála verður ljósari við skipulag næsta skólaárs. Samþykkt samhljóða með handauppréttingu.

Vegna ófyrirséðra forfalla í starfsmannahópnum telja skólastjórnendur nauðsynlegt að taka sjálfir að sér forfallakennslu á 3 vikna tímabili í desember. Fræðslunefnd samþykkir fyrir sitt leyti þá ráðstöfun enda hlýst ekki af því viðbótarkostnaður fyrir skólann. Samþykkt samhljóða með handauppréttingu.

Bæjarstjórn Fljótsdalshéraðs - 208. fundur - 03.12.2014

Ósk Egilsstaðaskóla um að ráða stuðningsfulltrúa í hálft starf fram til vors, þar sem fjölgað hefur nemendum sem þurfa sérstakan stuðning.
Gert er ráð fyrir að af þessu hlytist viðbótarkostnaður sem nemur um kr. 1.000.000 á árinu 2015.

Eftirfarandi tillaga lögð fram:
Að tillögu fræðslunefndar samþykkir bæjarstjórn að veita heimild fyrir ráðningunni, en fer fram á að beðið verði með afgreiðslu á viðbótarfjárþörf þar til staða mála verður ljósari við skipulag næsta skólaárs.

Samþykkt samhljóða með handauppréttingu.

Afgreiðsla fræðslunefndar á liðnum að öðru leyti staðfest.