Eyjólfsstaðaskógur 24,umsókn um byggingarleyfi

Málsnúmer 201111062

Vakta málsnúmer

Umhverfis- og framkvæmdanefnd - 73. fundur - 12.07.2017

Lögð fram umsókn fyrir hönd lóðarhafa að Eyjólfsstaðaskógi 24, um breytingu á byggingarleyfi.

Umhverfis- og framkvæmdanefnd hafnar erindinu þar sem teikningar standast ekki deiliskipulag og rotþró er utan byggingarreits.

Samþykkt samhljóða með handauppréttingu.

Umhverfis- og framkvæmdanefnd - 74. fundur - 09.08.2017

Lagt fram bréf frá Steindóri Jónssyni og Önnu Þórnýju Jónsdóttur lóðarhöfum lóðar nr 24 í Eyjólfsstaðaskógi, þar sem þau gera athugasemdir við afgreiðslu nefndarinnar á erindi frá þeim. Málið var á dagskrá nefndarinnar þann 12.7.2017.

Umhverfis- og framkvæmdanefnd bendir á að í gildandi deiliskipulagi fyrir Eyjólfsstaðaskóg svæði D, E og F, unnið af landeiganda, eru ákvæði um að mænishæð megi mest vera 540 cm yfir gólfplötu. Einnig er í deiliskipulaginu kveðið á um að rotþró skuli staðsett innan byggingarreits. Á þeim forsendum hlaut erindið neikvæða afgreiðslu. Því stendur fyrri bókun nefndarinnar óbreytt.
Umhverfis- og framkvæmdanefnd felur skipulags- og byggingarfulltrúa að koma ábendingum til Skógræktarfélags Austurlands um hvort rétt sé að endurskoða gildandi deiliskipulag þar sem komið verði til móts við óskir bréfritara.

Samþykkt samhljóða með handauppréttingu.

Umhverfis- og framkvæmdanefnd - 111. fundur - 02.05.2019

Umsókn um byggingarleyfi fyrir frístundahús, Eyjólfsstaðaskógi 24.

Umhverfis- og framkvæmdanefnd leggur til við bæjarstjórn að heimilað verði að veita byggingarleyfi fyrir sumarhúsi með hliðsjón af 3. mgr. 43. gr. skipulagslaga nr. 123/2010 þar sem um svo óveruleg frávik er að ræða að hagsmunir nágranna skerðist í engu hvað varðar landnotkun, útsýni, skuggavarp eða innsýn.

Samþykkt samhljóða með handauppréttingu.