Íþrótta- og tómstundanefnd

3. fundur 11. september 2014 kl. 17:00 - 19:20 á bæjarskrifstofu á Egilsstöðum
Nefndarmenn
  • Adda Birna Hjálmarsdóttir formaður
  • Jóhann Gísli Jóhannsson varaformaður
  • Rita Hvönn Traustadóttir aðalmaður
  • Óðinn Gunnar Óðinsson starfsmaður
Fundargerð ritaði: Óðinn Gunnar Óðinsson atvinnu-, menningar- og íþróttafulltrúi
Í upphafi fundar óskaði formaður eftir að fundargerð vallaráðs yrði tekin inn á fundinn.

Samþykkt samhljóða með handauppréttingu.

1.Aðalfundur SSA 2014

Málsnúmer 201408047Vakta málsnúmer

Lagður fram tölvupóstur frá Ólafi Áka Ragnarssyni, dags. 11. ágúst 2014 með upplýsingum vegna aðalfundar SSA sem haldinn verður á Vopnafirði dagana 19. og 20. september nk. Þar er óskað eftir ábendingum/tillögum að efni/ályktunum til að leggja fyrir nefndir fundarins.

Lagt fram til kynningar.

2.Sundlaugin á Egilsstöðum/tillögur frá stjórn Þjónustusamfélagsins á Héraði

Málsnúmer 201408105Vakta málsnúmer

Fyrir liggur bréf dagsett 19. ágúst 2014 frá stjórn Þjónustusamfélagsins á Héraði þar sem fram koma tillögur að verkefnum í íþróttamiðstöðinni á Egilsstöðum og varða þá ekki síst aðstöðu og búnað er tengjast sundlauginni. Tillögurnar eru m.a. settar fram í því ljósti að sundlaugin er einn fjölfarnasti viðkomustaður á svæðinu allt árið um kring en þó sérstaklega á sumrin.

Íþrótta og tómstundanefnd þakkar Þjónustusamfélaginu á Héraði fyrir góðar ábendingar. Varðandi smærri verkefnin sem fram koma í bréfinu kallar nefndin eftir áliti forstöðumanns íþróttamannvirkja til þeirra atriða sem þar koma fram og vísar málinu til áframhaldandi fjárhagsáætlunarvinnu.

Varðandi stærri verkefnin, sem snúast um áframhaldandi uppbyggingu íþróttamiðstöðvarinnar, vísar nefndin á samþykkta stefnu sveitarfélagsins um uppbyggingu miðstöðvarinnar.

Samþykkt samhljóða með handauppréttingu.

3.Tómstunda- og forvarnafulltrúi

Málsnúmer 201408082Vakta málsnúmer

Fyrir liggja hugmyndir að starfi tómstunda- og forvarnafulltrúa Fljótsdalshéraðs.

Íþrótta og tómstundanefnd er sammála því að þörf sé á sérstökum tómstunda og forvarnafulltrúa í samræmi við fyrirliggjandi greinargerð. Starfið verði auglýst eins fljótt og hægt er og leggur nefndin til að hann hefji störf um næstu áramót.

Samþykkt samhljóða með handauppréttingu.

4.Fundargerð vallaráðs 4. september 2014

Málsnúmer 201409049Vakta málsnúmer

Fyrir liggur fundargerð vallaráðs frá 4. september 2014.

Lagt fram til kynningar og tillögum sem fram koma í fundargerðinni vísað til fjárhagsáætlunarvinnu.

Samþykkt samhljóða með handauppréttingu.

5.Fjárhagsáætlun íþrótta- og tómstundanefndar fyrir 2015

Málsnúmer 201406127Vakta málsnúmer

Fyrir liggja drög að fjárhagsáætlunum stofnana sveitarfélagsins sem undir nefndina heyra, frá forstöðumönnum. Auk þess liggja fyrir drög að fjárhagsáætlun nefndarinnar.

Halldór Waren forstöðumaður Vegahússins og Hreinn Halldórsson forstöðumaður íþróttamannvirkja mættu á fundinn undir þessum lið.

Málinu frestað til næsta fundar.

6.Viðhalds- og fjárfestingaverkefni 2015 á sviði íþrótta- og tómstundamála

Málsnúmer 201408080Vakta málsnúmer

Halldór Waren forstöðumaður Vegahússins og Hreinn Halldórsson forstöðumaður íþróttamannvirkja mættu á fundinn undir þessum lið.

Málinu frestað til næsta fundar.

Fundi slitið - kl. 19:20.