Íþrótta- og tómstundanefnd

61. fundur 26. mars 2020 kl. 11:15 - 13:15 í fjarfundi
Nefndarmenn
  • Sigurður Gunnarsson formaður
  • Jónína Brynjólfsdóttir varaformaður
  • Dagur Skírnir Óðinsson aðalmaður
  • Þórunn Bylgja Borgþórsdóttir starfsmaður
Fundargerð ritaði: Bylgja Borgþórsdóttir verkefnastjóri íþrótta- tómstunda- og forvarnarmála

1.Fjölnota tæki á íþróttavelli

Málsnúmer 202003052Vakta málsnúmer

Fyrir liggur minnisblað um kaup á fjölnota tæki á íþróttavelli.

Íþrótta- og tómstundanefnd leggur til að reynt verði að koma því við að fjárfesta í slíku tæki þar sem það myndi spara töluverða fjármuni til lengri tíma og eins gera alla umhirðu íþróttavallanna faglegri og betri.

Samþykkt samhljóða með handauppréttingu.

2.Styrkir íþrótta- og tómstundanefndar 2020

Málsnúmer 202001095Vakta málsnúmer

Fyrir liggja umsóknir um styrki íþrótta- og tómstundanefndar sem auglýstir voru til umsóknar með umsóknarfrest til og með 15. mars 2020.

Íþrótta- og tómstundanefnd leggur til að úthlutun styrkja verði frestað til næsta fundar vegna breyttra aðstæðna í þjóðfélaginu.

Samþykkt samhljóða með handauppréttingu.

3.Tómstundaframlag

Málsnúmer 201807002Vakta málsnúmer

Fyrir liggja drög að nýjum reglum um tómstundaframlag.

Íþrótta- og tómstundanefnd leggur til að reglum um tómstundaframlag verði breytt þannig að þær nýtist ungmennum á aldrinum 16-18 ára einnig til kaupa á kortum í líkamsrækt.

Leggur nefndin til að þessi breyting verði gerð til reynslu í eitt ár.

Samþykkt samhljóða með handauppréttingu.

4.Ráðstefna - Velo City 2020

Málsnúmer 202003053Vakta málsnúmer

Fyrir liggja upplýsingar um ráðstefnu sem haldin verður í júní 2020.

Íþrótta- og tómstundanefnd leggur til að stýrihópur Heilsueflandi samfélags kynni sér ráðstefnuna og hvort að fulltrúi sveitarfélagsins ætti að sækja þessa ráðstefnu eða aðrar svipaðar.

Samþykkt samhljóða með handauppréttingu.

5.Heilsueflandi samfélag

Málsnúmer 201609075Vakta málsnúmer

Fyrir liggur minnisblað vegna Heilsueflandi samfélags í nýju, sameinuðu sveitarfélagi.

Íþrótta- og tómstundanefnd leggur til að skoðaður verði afrakstur verkefnisins, tilgangur og markmið og hvort að mögulegt er að önnur verkefni gætu skilað því sama.

Samþykkt samhljóða með handauppréttingu.

6.Viðbragðsáætlun Fljótsdalshéraðs við heimsfaraldri inflúensu

Málsnúmer 202003069Vakta málsnúmer

Fyrir liggur til kynningar Viðbragðsáætlun Fljótsdalshéraðs við heimsfaraldri inflúensu.

Íþrótta- og tómstundanefnd hvetur íbúa sveitarfélagsins til að huga vel að andlegri- og líkamlegri heilsu á þessum tíma, til að mynda með gönguferðum um fjölmargar lendur sveitarfélagsins.

Samþykkt samhljóða með handauppréttingu.

7.Meistaraflokkur körfuknattleiksdeildar Hattar í Dominosdeild karla 2020-2021

Málsnúmer 202003083Vakta málsnúmer

Fyrir liggur að meistaraflokkur körfuknattleiksdeildar Hattar mun leika í Dominos deild karla 2020-2021.

Íþrótta- og tómstundanefnd óskar leikmönnum, stjórn og þjálfara liðsins innilega til hamingju með árangurinn og hlakkar til að fylgjast með liðinu í Dominos deild næsta vetur.

Samþykkt samhljóða með handauppréttingu.

8.Þristur blæs til leiks

Málsnúmer 202003084Vakta málsnúmer

Fyrir liggja upplýsingar um verkefnið Þristur blæs til leiks.

Íþrótta- og tómstundanefnd hrósar Ungmennafélaginu Þristi fyrir frábært verkefni og fyrir að vera ávallt samfélagslega hvetjandi.

Nefndin er tilbúin að leggja sitt af mörkum til verkefnisins og hvetur alla íbúa til að taka þátt.

Samþykkt samhljóða með handauppréttingu.

Fundi slitið - kl. 13:15.