Endurmenntunarsjóður Fljótsdalshéraðs

18. fundur 17. mars 2015 kl. 14:30 - 16:00 í fundarsal bæjarstjórnar
Nefndarmenn
  • Stefán Snædal Bragason starfsmaður
  • Sigrún Blöndal aðalmaður
  • Guðrún Helga Elvarsdóttir aðalmaður
  • Sverrir Gestsson aðalmaður
Fundargerð ritaði: Stefán Snædal Bragason skrifstofu- og starfsmannastjóri

1.Umsóknir í endurmenntunarsjóð 2015

Málsnúmer 201503078Vakta málsnúmer

Fyrir lágu 3 umsóknir frá einstaklingum. Fram kom að fjármagn sjóðsins er mjög af skornum skammti, en til ráðstöfunar á árinu eru rúmar 472 þúsund krónur. Vegna takmarkaðra fjármuna verður að horfa til þess hverjir hafa áður fengið styrk úr sjóðnum og hvaða námskeið og ráðstefnur ættu frekar heima á námskeiðslið viðkomandi deildar eða stofnunnar. Einnig hvort umsækjendur njóta jafnframt afsláttar af vinnuskyldu vegna námsins, sbr. reglur um endurmenntun og framhaldsnám starfsmanna.

Tekin fyrir umsókn vegna náms og námskeiðsgjalds í Tölvunarfræði BSc, við Háskólann í Reykjavík. Umsækjandi er karlmaður og hefur ekki sótt um styrk áður í endurmenntunarsjóð.
Samþykkt samhljóða að veita umsækjanda styrk að hámarki á kr. 50.000 upp í kostnað við umrætt nám. Styrkurinn er veittur með fyrirvara um að viðkomandi njóti ekki afláttar af vinnuskyldu, sbr. 4 grein reglna um endurmenntun eða framhaldsnám starfsmanna Fljótsdalshéraðs. Greiðsla styrks er háð námsframvindu og því að heildarstyrkir séu ekki hærri en heildarkostnaður við námið. Ljósrit af kostnaðarreikningum og staðfestingu á námsframvindu liggi fyrir við greiðslu styrksins.

Tekin fyrir umsókn þar sem óskað eftir styrk vegna námsskeiðs við endurmenntun Háskóla Íslands. Sótt er um styrkinn vegna greiðslu á námskeiðsgjaldi. Umsækjandi er kona og hefur tvisvar áður fengið úthlutað styrk úr sjóðnum.
Samþykkt samhljóða að veita 30.000 kr. styrk upp í kostnað við umrætt námskeið. Greiðsla styrks er háð námsframvindu og því að heildarstyrkir séu ekki hærri en heildarkostnaður við námið. Ljósrit af kostnaðarreikningum og staðfestingu á námsframvindu liggi fyrir við greiðslu styrksins.

Tekin fyrir umsókn, þar sem óskað er eftir styrk vegna diplómanáms í barnavernd við Háskóla Íslands. Umsækjandi sem er kona hefur einu sinni áður fengið styrk úr endurmenntunarsjóði.
Samþykkt samhljóða að veita umsækjanda styrk að hámarki á kr. 150.000 upp í kostnað við umrætt nám. Styrkurinn er veittur með fyrirvara um að viðkomandi njóti ekki afláttar af vinnuskyldu, sbr. 4 grein reglna um endurmenntun eða framhaldsnám starfsmanna Fljótsdalshéraðs. Greiðsla styrks er háð námsframvindu og því að heildarstyrkir séu ekki hærri en heildarkostnaður við námið. Ljósrit af kostnaðarreikningum og staðfestingu á námsframvindu liggi fyrir við greiðslu styrksins.

2.Endurskoðun á reglum um sí- og endurmenntun

Málsnúmer 201311125Vakta málsnúmer

Farið yfir stöðuna í endurskoðun á umræddum reglum, sem fyrri nefnd var komin af stað með. Nefndin samþykkir að halda vinnufund fljótlega þar sem áfram verði unnið við endurskoðun úthlutunarreglnanna og umsóknarblaðs.

Fundi slitið - kl. 16:00.