Bæjarstjórn Fljótsdalshéraðs

253. fundur 15. mars 2017 kl. 17:00 - 20:00 í fundarsal bæjarstjórnar
Nefndarmenn
  • Anna Alexandersdóttir forseti
  • Stefán Bogi Sveinsson 2. varaforseti
  • Gunnar Jónsson aðalmaður
  • Þórður Mar Þorsteinsson bæjarfulltrúi
  • Guðmundur Sveinsson Kröyer bæjarfulltrúi
  • Árni Kristinsson bæjarfulltrúi
  • Páll Sigvaldason bæjarfulltrúi
  • Anna Gunnhildur Ingvarsdóttir bæjarfulltrúi
  • Ragnhildur Rós Indriðadóttir varamaður
  • Björn Ingimarsson bæjarstjóri
  • Stefán Snædal Bragason skrifstofu- og starfsmannastjóri
Fundargerð ritaði: Stefán Bragason skrifstofustjóri

1.Starfsáætlanir nefnda Fljótsdalshéraðs 2017

201701152

Gunnar Jónsson kynnti starfsáætlun bæjarráðs 2017 og fór yfir ýmis mál sem heyra undir málaflokk 21, Sameiginlegir liðir.

2.Ársreikningur 2016

201703043

Fyrri umræða.
Björn Ingimarsson bæjarstjóri lagði fram til fyrri umræðu ársreikning Fljótsdalshéraðs fyrir árið 2016, ásamt drögum að endurskoðunarskýrslu.
Aðrir sem til máls tóku um ársreikninginn voru í þessari röð: Stefán Bogi Sveinsson, Gunnar Jónsson og Árni Kristinsson.

Ársreikningurinn hefur þegar verið birtur í Kauphöllinni, samkvæmt reglum þar um.

Eftirfarandi tillaga lögð fram:
Bæjarstjórn samþykkir að vísa ársreikningi og drögum að endurskoðunarskýrslu Fljótsdalshéraðs 2016 til annarrar umræðu í bæjarráði og bæjarstjórn.

Samþykkt samhljóða með handauppréttingu.

3.Bæjarráð Fljótsdalshéraðs - 376

1702024F

Fundargerðin lögð fram til staðfestingar.
Til máls tók: Gunnar Jónsson, sem kynnti fundargerðina og lagði fram drög að bókunum. Einnig ræddi hann sérstaklega liði 3.10 og 3.8. Páll Sigvaldason, sem ræddi lið 3.10. Stefán Bogi Sveinsson, sem ræddi lið 3.10. Árni Kristinsson, sem ræddi lið 3.10. Páll Sigvaldason, sem ræddi lið 3.10. Þórður Mar Þorsteinsson, sem ræddi lið 3.10. Anna Alexandersdóttir, sem ræddi liði 3.7 og 3.10 og Stefán Bogi Sveinsson, sem ræddi liði 3.7 og 3.10.

Fundargerðin lögð fram.

3.1.Samstarfssamningur við Íþróttafélagið Hött

201611095

Í vinnslu.

3.2.Fjármál 2017

201701003

Bæjarstjóri kynnti uppsagnarbréf frá Vífli Björnssyni skipulags- og byggingarfulltrúa. Starfið hefur þegar verið auglýst.

Eftirfarandi tillaga lögð fram:
Vífli eru þökkuð vel unnin störf í þágu sveitafélagsins og óskað velfarnaðar á nýjum vettvangi þegar hann lætur af störfum hér.

Samþykkt samhljóða með handauppréttingu.

3.3.Aðalfundur Hitaveitu Egilsstaða og Fella 2017

201703002

Lagt fram til kynningar.

3.4.Starfsáætlanir nefnda Fljótsdalshéraðs 2017

201701152

Afgreitt undir lið 1 í þessari fundargerð bæjarstjórnar.

3.5.Landsþing Sambands íslenskra sveitarfélaga 2017

201702141

Afgreiðsla bæjarráðs staðfest.

3.6.Niðurstaða starfshóps um framtíðarstefnu fyrir golfstarfsemi

201610072

Málið er í vinnslu.

3.7.Ungt Austurland.

201702061

Lögð fram beiðni um stuðning vegna ráðstefnu félagsins sem haldin verður nú í apríl og til rekstrar félagsins.

Eftirfarandi tillaga lögð fram:
Að tillögu bæjarráðs samþykkir bæjarstjórn að veita 300.000 kr. styrk til ráðstefnunnar sem tekinn verði af lið 21500. Jafnframt samþykkt að ræða áfram við samtökin um mögulega aðkomu að rekstri þeirra með reglubundnum hætti.

Samþykkt samhljóða með handauppréttingu.

3.8.Málefni Heilbrigðisstofnunar Austurlands

201703014

Lagt fram minnisblað frá fundi HSA með sveitarstjórum á Austurlandi 23.02.sl.

Eftirfarandi tillaga lögð fram:
Bæjarstjórn tekur undir með bæjarráði og leggur áherslu á að fjárveitingar til Heilbrigðisstofnunnar Austurlands taki mið af fjárþörf stofnunarinnar, svo ekki þurfi að koma til þjónustuskerðingar.

Samþykkt samhljóða með handauppréttingu.

3.9.Gróðrarstöðin Barri ehf.

201702096

Í vinnslu.

3.10.Fjögurra ára samgönguáætlun 2015-2018

201604137

Í bæjarráði voru ræddar nýjustu upplýsingar um fjárveitingar vegna samgönguáætlunar 2015-2018, sem samþykkt var á nýliðnu hausti.

Eftirfarandi tillaga lögð fram.
Bæjarstjórn Fljótsdalshéraðs telur það óásættanlegt að ekki sé staðið við nýsamþykkta samgönguáætlun.
Þau verkefni sem þar er að finna eru sannanlega engin gæluverkefni heldur bráðnauðsynleg úrbótaverkefni á samgöngukerfi sem komið er að fótum fram.

Augljóst er að fjárveitingar til samgöngumála þurfa að minnsta kosti að vera 1,5% af vergri þjóðarframleiðslu, til að hægt sé að viðhalda og byggja upp samgöngukerfið eins og þörf er á.

Bæjarstjórn krefst þess að þingmenn kjördæmisins gangi þannig til verks að hægt verði að fara í nauðsynlegar og samþykktar samgönguframkvæmdir á Austurlandi á þessu ári og því næsta.

Samþykkt samhljóða með handauppréttingu.

4.Bæjarráð Fljótsdalshéraðs - 377

1703006F

Fundargerðin lögð fram til staðfestingar.
Til máls tóku: Gunnar Jónsson, sem kynnti fundargerðina og lagði fram drög að bókunum og Stefán Bogi Sveinsson, sem ræddi lið 4.4

4.1.Fjármál 2017

201701003

Lagt fram.

4.2.Fundargerð 221. fundar stjórnar Hitaveitu Egilsstaða og Fella

201703034

Lagt fram.

4.3.Fundargerð 847. stjórnarfundar Sambands íslenskra sveitarfélaga

201703027

Lagt fram.

4.4.Daggæslu- og leikskólapláss á Fljótsdalshéraði

201702016

Eftirfarandi tillaga lögð fram:
Að tillögu bæjarráðs samþykkir bæjarstjórn tillögur fræðslunefndar að fjölga stöðugildum um 1,5 við Tjarnaskóg frá og með næsta skólaári. Fjármálastjóra falið að skoða, ásamt fræðslustjóra, fjármögnun stöðugildanna.
Jafnframt samþykkt að mánaðarleg niðurgreiðsla til dagforeldra verði hækkuð um 25%, frá og með sama tíma.

Bæjarstjórn beinir því til fræðslunefndar að halda áfram að skoða dagvistunarmöguleika í sveitarfélaginu með tilliti til þróunar næstu árin.

Samþykkt samhljóða með handauppréttingu.

4.5.Starfsáætlanir nefnda Fljótsdalshéraðs 2017

201701152

Vísað til liðar 1 á dagskrá.

4.6.Fundur um þjóðlendumál 2017

201703024

Lagt fram.

4.7.Aðalfundur Lánasjóðs sveitarfélaga 2017

201702076

Eftirfarandi tillaga lögð fram:
Bæjarstjórn samþykkir að Björn Ingimarsson, bæjarstjóri, fari með umboð og atkvæði Fljótsdalshéraðs á aðalfundi Lánasjóðs sveitarfélaga 2017.

Samþykkt samhljóða með handauppréttingu.

4.8.Gróðrarstöðin Barri ehf.

201702096

Í vinnslu.

4.9.Nordjobb sumarstörf 2017

201703036

Í vinnslu.

4.10.Frumvarp til laga um breytingar á lögum um verslun með áfengi og tóbak

201703025

Fyrir liggur til umsagnar frumvarp til laga um breytingar á lögum um verslun með áfengi og tóbak.

Eftirfarandi tillaga lögð fram:
Bæjarstjórn tekur undir með bæjarráði og telur ekki þörf á þeim breytingum sem frumvarpið boðar um verslun með áfengi. Bæjarstjórn telur tíma Alþingis betur varið í umfjöllun um önnur og brýnni málefni.

Samþykkt samhljóða með handauppréttingu.

5.Bæjarráð Fljótsdalshéraðs - 378

1703010F

Fundargerðin lögð fram til staðfestingar.
Fundargerðin lögð fram.

5.1.Ársreikningur 2016

201703043

Vísað til afgreiðslu liðar 2 á dagskrá fundarins.

6.Atvinnu- og menningarnefnd - 49

1703001F

Fundargerðin lögð fram til staðfestingar.
Til máls tók: Guðmundur Sveinsson Kröyer, sem kynnti fundargerðina og lagði fram drög að bókunum.

Fundargerðin lögð fram.

6.1.Gróðrarstöðin Barri ehf.

201702096

Í vinnslu

6.2.Þurrkun og vinnsla á hráefni úr landbúnaði

201702105

Fyrir liggur tölvupóstur, dagsettur 15. febrúar 2017, frá Þórarni Lárussyni þar sem óskað er eftir málafylgju við hugmyndir um þurrkun og vinnslu á hráefni úr landbúnaði, s.s. heyi, byggi, hálmi og skógvið í húsnæði Haustaks. Á fundi atvinnu- og menningarnefndar undir þessum lið mætti Þórarinn Lárusson.
Málið var áður á dagskrá nefndarinnar 20. febrúar 2017.

Eftirfarandi tillaga lögð fram:
Bæjarstjórn tekur undir með atvinnu- og menningarnefnd og leggur til að starfsmaður nefndarinnar setji sig í samband við eigendur húsnæðisins og kanni grundvöll fyrir því að fyrirhuguð starfsemi geti orðið í húsnæðinu og á hvaða forsendum.

Samþykkt samhljóða með handauppréttingu.

Stefán Bogi Sveinsson gerði grein fyrir atkvæði sínu.

6.3.Styrkbeiðni vegna ráðstefnunnar Auður Austurlands

201702111

Fyrir liggur bréf dagsett 19. febrúar 2017, frá Tengslaneti austfirskra kvenna, með beiðni um styrk til að halda ráðstefnuna Auður Austurlands.

Eftirfarandi tillaga lögð fram:
Að tillögu atvinnu- og menningarnefndar samþykkir bæjarstjórn að verkefnið verði styrkt um kr. 100.000 sem tekið verði af lið 1389.

Samþykkt samhljóða með handauppréttingu.

6.4.Sjötíu ára afmæli Egilsstaðakauptúns

201602100

Málið er í vinnslu.

6.5.Staða atvinnumála og ýmis verkefni

201112020

Til kynningar.

7.Umhverfis- og framkvæmdanefnd - 65

1703003F

Fundargerðin lögð fram til staðfestingar.
Til máls tóku: Árni Kristinsson, sem kynnti fundargerðina og lagði fram drög að bókunum. Páll Sigvaldason, sem ræddi lið 7.1. Stefán Bogi Sveinsson, sem ræddi lið 7.5 og Árni Kristinsson, sem ræddi lið 7,5.

Fundargerðin lögð fram.

7.1.Atvinnulóðir í Fellabæ

201703016

Staða atvinnulóða í Fellabæ var lögð fyrir Umhverfis- og framkvæmdanefnd til umræðu.

Eftirfarandi tillaga lögð fram:
Að tillögu umhverfis- og framkvæmdanefndar felur bæjarstjórn skipulags- og byggingarfulltrúa að vinna málið áfram.
Jafnframt er óskað eftir því að fyrir næsta fund nefndarinnar verði lögð fram skýrsla um stöðu lóðamála á iðnaðar- og athafnasvæðum á Egilsstöðum.

Samþykkt samhljóða með handauppréttingu.

7.2.Deiliskipulag Möðrudal Fljótsdalshéraði

201104043

Í vinnslu.

7.3.Grásteinn, deiliskipulag

201703008

Í vinnslu.

7.4.Landbótasjóður 2017

201701148

Lagt fram til kynningar.

7.5.Rafbílavæðing

201702095

Lagt er fyrir að nýju erindi Ísorku, en á síðasta fundi Umhverfis- og framkvæmdanefndar var óskað eftir frekari gögnum.
Starfsmaður Ísorku Sigurður Ástgeirsson, tengist með fjarbúnaði á fundartíma til að kynna rekstrar- og upplýsingakerfi Ísorku.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn að rafhleðslustöðin sem gefin var af Orkusölunni verði sett upp við íþróttamiðstöðina á Egilsstöðum og að verkið verði unnið í samvinnu við Ísorku samkvæmt fyrirliggjandi gögnum.

Samþykkt samhljóða með handauppréttingu.

7.6.Umsókn um skráningu nýrrar landeignar

201702146

Lögð er fram umsókn um skráningu nýrra landeigna í fasteignaskrá fyrir umhverfis- og framkvæmdanefnd.
Halldór Sigurðsson sækir um að stofna nýja landeign, Hjartarstaðir 1/lóð2 úr upprunalandinu Hjartarstaðir 1, sem er með landnúmerinu 158095.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn erindið og felur skipulags- og byggingarfulltrúa úrlausn þess.

Samþykkt samhljóða með handauppréttingu.

7.7.Umsókn um stofnun þjóðlendu/Vesturöræfi

201702148

Lagt er fyrir erindi frá Forsætisráðuneytinu, Umsókn um stofnun þjóðlendu sbr. 14. gr. laga um skráningu og mat fasteigna, nr. 6/2001, með síðari breytingum.
Fasteign sú sem hér óskast stofnuð er þjóðlenda samkvæmt úrskurði óbyggðanefndar í máli nr. 1/2005, dags. 29. maí 2007 og dómi Hæstaréttar Íslands í máli nr. 299/2010, dags. 10. febrúar 2011.

Heiti fasteignar: Vesturöræfi ásamt syðri hluta afréttarlandanna Rana og Undir Fellum (sá hluti sem tilheyrir Fljótsdalshéraði).
Landeigandi: Íslenska ríkið, skv. 2. gr. laga nr. 58/1998. Kennitala: 540269-6459.

Eftirfarandi tillaga lögð fram.
Að tillögu umhverfis- og framkvæmdanefndar samþykkir bæjarstjórn erindið og felur Skipulags- og byggingarfulltrúa úrlausn þess.

Samþykkt samhljóða með handauppréttingu.

7.8.Umsókn um skráningu nýrrar landeignar

201703005

Í vinnslu.

7.9.Lausar lóðir, yfirferð 2017

201701160

Lagður er fram listi yfir þrjár lóðir sem lagt er til að verði innkallaðar.

Eftirfarandi tillaga lög fram:
Að tillögu umhverfis- og framvæmdanefndar samþykkir bæjarstjórn að eftirtaldar lóðir, sem úthlutað var 2007 og 2008, verði innkallaðar:

- Kaupvangur 8
- Kaupvangur 10
- Kaupvangur 12

Samþykkt samhljóða með handauppréttingu.

7.10.Vinnuskóli 2017

201701054

Til umræðu er vinnutilhögun og launamál Vinnuskóla 2017.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn að laun nemenda vinnuskólans verði hækkuð um 2,5%. Vinnuskólinn er starfræktur fyrir nemendur í 7. til 10. bekk.
Leitast verður við að veita öllum nemendum þá vinnu sem þeir óska eftir.

Samþykkt samhljóða með handauppréttingu.

8.Fræðslunefnd Fljótsdalshéraðs - 247

1703004F

Fundargerðin lögð fram til staðfestingar.
Fundargerðin lögð fram.

8.1.Daggæslu- og leikskólapláss á Fljótsdalshéraði

201702016

Í vinnslu.

8.2.Launaþróun á fræðslusviði 2017

201703021

Lagt fram til kynningar.

8.3.Skýrsla fræðslustjóra

201108127

Til kynningar.

9.Ungmennaráð Fljótsdalshéraðs - 56

1702023F

Fundargerðin lögð fram til staðfestingar.
Til máls tóku: Björn Ingimarsson, sem kynnti fundargerðina og lagði fram drög að bókunum. Stefán Bogi Sveinsson, sem ræddi lið 9.2 og þakkaði ungmennaráði fyrir góðan fund með bæjarstjórn og eins fyrir góðar tillögur sem ráðið hefur lagt fram. Gunnar Jónsson, sem ræddi gott starf ungmennaráðs og liði 9.2, 9.3 og 9.4.og Stefán Bogi Sveinsson, sem ræddi lið 9.3 og 9.4.

Fundargerðin lögð fram.

9.1.Leikskólamál / dagforeldrar

201702142

Lagt fram til kynningar.

9.2.Geðheilbrigðisþjónusta

201702143

Á fundi ungmennaráðs var rætt um nauðsyn þess að boðið sé upp á viðeigandi geðheilbrigðisþjónustu á svæðinu. Ungmennaráð leggur áherslu á að bæjarstjórn beiti sér fyrir eflingu geðheilbrigðisþjónustu á svæðinu. Ungmennaráð vekur athygli á verkefni sem unnið er í Menntaskóla Borgarfjarðar í samvinnu við Stéttarfélag Vesturlands.

Eftirfarandi tillaga löð fram:
Bæjarstjórn tekur undir með ungmennaráði og telur rétt að kanna hvort möguleiki sé á svipuðu samstarfi á Fljótsdalshéraði.
Samþykkt að koma málinu á framfæri við forsvarsmenn Menntaskólans og verkalýðsfélaga á svæðinu. Bæjarstjóra falið að fylgja málinu úr hlaði.

Samþykkt samhljóða með handauppréttingu.

9.3.Gjaldskrá íþróttamiðstöðvar fyrir ungt fólk

201702144

Eftirfarandi tillaga lögð fram:
Bæjarstjórn samþykkir að vísa erindi ungmennaráðs til íþrótta og tómstundanefndar til skoðunar.

Samþykkt samhljóða með handauppréttingu.

9.4.Plastpokalaust sveitarfélag

201610056

Fram kom á fundi bæjarstjórnar og ungmennaráðs að sveitarfélagið stefnir á að verða plastpokalaust frá byrjun árs 2018.

Eftirfarandi tillaga lögð fram.
Bæjarstjórn fagnar áhuga ungmennaráðs á málinu og óskum ráðsins um að fá að koma að verkefninu.

Samþykkt samhljóða með handauppréttingu.

10.Umsókn um rekstrarleyfi til sölu gistingar/Eiðar, Stóra þinghá

201701117

Til umsagnar.
Fyrir liggur umsagnarbeiðni frá Sýslumanninum á Austurlandi vegna umsóknar um rekstarleyfi til sölu gistingar að Hótel Eiðum/Eiðagisting, í flokki IV. Forsvarsmaður er Ævar Dungal.

Fram kemur að byggingarfulltrúi veitir jákvæða umsögn og sömu leiðis Heilbrigðiseftirlitið.

Eftirfarandi tillaga lögð fram:
Bæjarstjórn veitir jákvæða umsögn og staðfestir jafnframt að afgreiðslutími og staðsetning staðar sem umsókn lýtur að, sé innan þeirra marka sem reglur og skipulag sveitarfélagsins segir til um.

Samþykkt samhljóða með handauppréttingu.

Fundi slitið - kl. 20:00.