Bæjarstjórn Fljótsdalshéraðs

313. fundur 24. apríl 2020 kl. 17:00 - 18:15 í fjarfundi
Nefndarmenn
  • Stefán Bogi Sveinsson forseti
  • Anna Alexandersdóttir 1. varaforseti
  • Kristjana Sigurðardóttir 2. varaforseti
  • Gunnar Jónsson bæjarfulltrúi
  • Berglind Harpa Svavarsdóttir bæjarfulltrúi
  • Anna Gunnhildur Ingvarsdóttir bæjarfulltrúi
  • Björg Björnsdóttir bæjarfulltrúi
  • Aðalsteinn Ásmundarson bæjarfulltrúi
  • Hannes Karl Hilmarsson bæjarfulltrúi
  • Björn Ingimarsson bæjarstjóri
  • Stefán Snædal Bragason bæjarritari
  • Haddur Áslaugsson starfsmaður
Fundargerð ritaði: Stefán Snædal Bragason bæjarritari
Kl. 15:30 var haldinn kynningarfundur í fjarfundi fyrir bæjarfulltrúa, þar sem farið var yfir fyrirliggjandi tillögur að viðbrögðum vegna Covid-19 og atvinnuástandinu í kjölfar þess. Jafnframt var farið yfir þá viðauka við fjárhagsáætlun Fljótsdalshéraðs 2020, sem lagt er til að bæjarstjórn samþykki á þessum aukafundi bæjarstjórnar.

1.Hugmyndir og ábendingar að aðgerðum til viðspyrnu fyrir íslenskt atvinnulíf

Málsnúmer 202003096Vakta málsnúmer

Björn Ingimarsson bæjarstjóri gerði grein fyrir helstu aðgerðum sem mótaðar hafa verið hjá Fljótsdalshéraði, sem viðbrögð og viðspyrna við breyttum aðstæðum í atvinnulífinu í kjölfar Covid-19.
Fram kom m.a. að lögð er áhersla á að skapa tímabundin störf í sumar fyrir bæði námsfólk og einstaklinga sem kunna að hafa fallið út af vinnumarkaði vegna samdráttar er rekja má til Covid-19. Áhersla verður lögð á störf er tengjast umhverfismálum, þjónustu við barnafjölskyldur, þróun stjórnsýslu og þjónustu almennt við íbúa sveitarfélagsins.

Aðrir sem til máls tóku undir þessum lið voru: Anna Alexandersdóttir, Björg Björnsdóttir, Gunnar Jónsson, Stefán Bogi Sveinsson, Gunnhildur Ingvarsdóttir, Stefán Bogi Sveinsson og Berglind Harpa Svavarsdóttir.

Að öðru leyti er vísað til liðar 2 í þessari fundargerð hvað varðar samþykktar aðgerðir sveitarfélagsins og kostnað við að mæta þeim.

2.Viðaukar við fjárhagsáætlun 2020

Málsnúmer 202004129Vakta málsnúmer

Fyrirliggjandi er tillaga að viðauka 1 við fjárhagsáætlun 2020. Viðaukinn er gerður til að mæta breyttum forsendum í rekstri sveitarfélagsins vegna Covid-19 faraldursins sem gengið hefur yfir heimsbyggðina undanfarnar vikur.

Til máls tóku: Björn Ingimarsson, sem kynnti viðaukann og lagði fram tillögu að bókunum. Aðrir sem til máls tóku um þennan lið voru: Anna Alexandersdóttir, Björg Björnsdóttir, Stefán Bogi Sveinsson, Gunnhildur Ingvarsdóttir, Gunnar Jónsson, Anna Alexandersdóttir, Berglind Harpa Svavarsdóttir, Hannes Karl Hilmarsson, Björg Björnsdóttir og Gunnhildur Ingvarsdóttir.

Eftirfarandi tillaga lögð fram:
Bæjarstjórn samþykkir framlagðan viðauka 1 við fjárhagsáætlun Fljótsdalshéraðs fyrir árið 2020, ásamt fjármögnun hans.

Helstu breytingar frá samþykktri áætlun: (í þús. kr.)
00-010 Útsvarstekjur

-85.000
00-060 Fasteignaskattur
6.246
00-100 Jöfnunarsjóður

-61.000
06-260 Sumarskóli

-7.516
06-270 Vinnuskóli

-32.562
06-340 Skapandi sumarstörf
-6.763
08-230 Sorpeyðing

5.000
09-220 Aðalskipulag

5.000
10-610 Snjómokstur

-15.000
11-410
Opin svæði

-9.186
21-230 Þróun stjórnsýslu
-2.260
27-xxx Óvenjuleg útgjöld
-2.000
31-850 Eignasjóður v. viðhald
-10.000
Reiknaðir fjármagnsliðir og afskriftir A hluta
13.158
Reiknaðir fjármagnsliðir og afskriftir B hluta
14.385

Samþykkt samhljóða án atkvæðagreiðslu.


Ákvörðun um að taka lán hjá Lánasjóði sveitarfélaga sem tryggt er með veði í tekjum sveitarfélagsins.

Eftirfarandi tillaga lögð fram:
Bæjarstjórn Fljótsdalshéraðs samþykkir hér með á fundi sínum þann 24. apríl 2020 að taka lán hjá Lánasjóði sveitarfélaga á árinu 2020 að höfuðstól allt að kr. 260.000.000,-, með lokagjalddaga þann 5.
apríl 2034, í samræmi við skilmála að lánasamningi sem liggja fyrir á fundinum og sem sveitarstjórnin hefur kynnt sér.
Sveitarstjórnin samþykkir að til tryggingar láninu (höfuðstól, vaxta, dráttarvaxta og kostnaðar), standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjum sínum og framlögum til sveitarfélagsins úr
Jöfnunarsjóði sveitarfélaga.
Er lánið tekið til fjármögnunar á framkvæmdum ársins sem fela í sér að vera verkefni sem hefur almenna efnahagslega þýðingu, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.
Jafnframt er Birni Ingimarssyni, bæjarstjóra Fljótsdalshéraðs, kt. 301254-4079, veitt fullt og ótakmarkað umboð til þess f.h. sveitarfélagsins að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út og afhenda hvers kyns skjöl, fyrirmæli og tilkynningar, sem tengjast lántöku þessari, þ.m.t. beiðni um útborgun láns.

Samþykkt samhljóða án atkvæðagreiðslu.

3.Yfirlit yfir viðauka 2 2020, Djúpavogshreppur

Málsnúmer 202004130Vakta málsnúmer

Lagður fram viðauki 2 við fjárhagsáætlun Djúpavogshrepps fyrir árið 2020.

Eftirfarandi tillaga lögð fram:
Að tillögu bæjarráðs samþykkir bæjarstjórn Fljótsdalshéraðs viðaukann fyrir sitt leyti.

Samþykkt samhljóða án atkvæðagreiðslu.

Fundi slitið - kl. 18:15.