Bæjarráð Fljótsdalshéraðs

352. fundur 29. ágúst 2016 kl. 09:00 - 11:45 í fundarsal bæjarstjórnar
Nefndarmenn
  • Gunnar Jónsson formaður
  • Anna Alexandersdóttir áheyrnarfulltrúi
  • Sigrún Blöndal varaformaður
  • Gunnhildur Ingvarsdóttir 1. varamaður
  • Björn Ingimarsson bæjarstjóri
  • Stefán Snædal Bragason skrifstofu- og starfsmannastjóri
Fundargerð ritaði: Stefán Bragason skrifstofustjóri
Klukkan 11:00 verður fundur með forsvarsmönnum Arctic Hydro ehf. vegna rannsóknarleyfis á vatnasviði Geitdalsár.

1.Fjármál 2016

Málsnúmer 201601001Vakta málsnúmer

Guðlaugur Sæbjörnsson fjármálastjóri sat fundinn undir þessum lið og fór yfir ýmis mál sem tengjast rekstri sveitarfélagsins á árinu.
Björn Ingimarsson bæjarstjóri fór yfir upplýsingar vegna nýgerðs kjarasamnings grunnskólakennara, sem nú er til kynningar hjá kennurum og sveitarstjórnum.
Bæjarstjóra falið að láta vinna gróft mat á þeim viðbótarkostnaði sem þessir samningar skapa fyrir sveitarfélagið.

2.Fundargerð 44. fundar stjórnar Brunavarna á Austurlandi

Málsnúmer 201608107Vakta málsnúmer

Fundargerðin lögð fram til kynningar.

3.Notkun á höfundaréttarvörðu efni í skólastarfi

Málsnúmer 201608070Vakta málsnúmer

Lagður fram tölvupóstur frá Sambandi íslenskra sveitarfélaga, dags. 16. ágúst 2016 með afriti af bréfi til ráðgjafarnefndar Jöfnunarsjóðs sveitarfélaga vegna samnings um notkun á höfundaréttarvörðu efni í skólastarfi.

Bæjarráð leggst ekki gegn fyrirhuguðum breytingum.

4.Frumvarp til laga um námslán og námsstyrki

Málsnúmer 201608087Vakta málsnúmer

Lagt fram til umsagnar drög að frumvarpi til laga um námslán og námsstyrki.

Frumvarpið lagt fram til kynningar.

5.Byggðaráðstefnan 2016

Málsnúmer 201608088Vakta málsnúmer

Lögð fram fundarboð frá Sambandi íslenskra sveitarfélaga vegna byggðaráðstefnu sem haldin verður á Breiðdalsvík 14. - 15. september 2016.

Bæjarstjóri mun sækja ráðstefnuna. Bæjarráð hvetur jafnframt bæjarfulltrúa og viðkomandi starfsmenn til að mæta og felur bæjarstjóra að vera í sambandi við þá varðandi mætingu og ferðir.

6.Samstarfssamningur Björgunarsveitarinnar Jökuls og Fljótsdalshéraðs

Málsnúmer 201506130Vakta málsnúmer

Lögð fram drög að nýjum samstarfssamningi við Björgunarsveitina Jökul.

Bæjarráð samþykkir að fela bæjarstjóra að ganga frá samningi við Björgunarsveitina Jökul á grundvelli framangreindra samningsdraga.

7.Áhrif nýrrar húsnæðislöggjafar gagnvart sveitarfélögum

Málsnúmer 201608102Vakta málsnúmer

Lagður fram til kynningar tölvupóstur frá Sambandi íslenskra sveitarfélaga, dags. 23. ágúst 2016, ásamt minnisblaði sambandsins um áhrif nýrrar húsnæðislöggjafar á fjárhag sveitarfélaga.

8.Frumvarp til laga um Umhverfisstofnun

Málsnúmer 201608108Vakta málsnúmer

Lagt fram til umsagnar frumvarp til laga um Umhverfisstofnun, bréf dagsett 24. ágúst og óskað umsagnar eigi síðar en 31. ágúst.

Bæjarráð bendir á að sú vika sem sveitarfélögum er ætluð til umsagnar verður að teljast óviðunandi umsagnarfrestur.
Málinu þó vísað til umhverfis- og framkvæmdanefndar, ásamt framkomnum athugasemdum, þrátt fyrir að umsagnarfrestur sé nánast liðinn.

9.Rannsóknarleyfi á vatnasviði Geitdalsár

Málsnúmer 201608064Vakta málsnúmer

Kynnt erindi frá Arctic Hydro ehf. með beiðni um viðræður um réttindasamning vegna rannsóknarleyfis á vatnasviði Geitdalsár.
Jón Jónsson lögmaður mætti til fundar fh. félagsins til að kynna verkefnið.

Bæjarráð samþykkir að vísa erindinu á þessu stigi til umhverfis- og framkvæmdanefndar og náttúruverndarnefndar til kynningar og umsagnar. Bæjarráð mun svo taka erindið fyrir aftur að fengnum umsögnum nefndanna.

Fundi slitið - kl. 11:45.