Bæjarráð Fljótsdalshéraðs

314. fundur 12. október 2015 kl. 09:00 - 10:45 í fundarsal bæjarstjórnar
Nefndarmenn
  • Gunnar Jónsson formaður
  • Anna Alexandersdóttir varaformaður
  • Stefán Bogi Sveinsson aðalmaður
  • Sigrún Blöndal áheyrnarfulltrúi
  • Björn Ingimarsson bæjarstjóri
  • Stefán Snædal Bragason skrifstofu- og starfsmannastjóri
  • Guðlaugur Sæbjörnsson fjármálastjóri
Fundargerð ritaði: Stefán Bragason skrifstofustjóri

1.Fjármál 2015

Málsnúmer 201501007Vakta málsnúmer

Guðlaugur Sæbjörnsson fjármálastjóri sat fundinn og fór yfir talnaefni úr rekstri Fljótsdalshéraðs 2015.

Bæjarstjóri kynnti tilboð PWC um markaðslaunagreiningu fyrir sveitarfélagið. Bæjarráð samþykkir að heimila bæjarstjóra að semja við PWC um verkefnið, enda verði kostnaður um 150 þúsund eins og áætlað er. Kostnaður færist á lið 21080.

Bæjarstjóri kynnti dóm hæstaréttar í máli Landsvirkjunar gegn Fljótsdalshéraði og Þjóðskrá Íslands sem kveðinn var upp 8. október. Þar er staðfest að meta ber vatnsréttindi til fasteignamats og þau séu þannig gjaldstofn til álagningar fasteignagjalda.

Ljóst er að dómurinn hefur töluverða þýðingu fyrir mörg sveitarfélög sem munu nú í einhverjum tilfellum í fyrsta sinn geta innheimt opinber gjöld af orkuframleiðslu sem fram fer innan þeirra. Bæjarráð fagnar því að niðurstaðan er í samræmi við málflutning sveitarfélagsins frá upphafi.

Bæjarráð vill þó árétta að niðurstaðan tekur aðeins til lítils hluta þeirra miklu hagsmuna sem um ræðir og að áfram er rík nauðsyn á því að endurskoða allt skattkerfi raforkuframleiðslu til að tryggja að eðlilegur arður af framleiðslunni skili sér til íbúa í nærsamfélögunum. Staðan er ennþá sú að engin fasteignagjöld eru innheimt af raforkumannvirkjum á borð við stíflur, fallgöng og línur.

Næstu skref í málinu eru að óska eftir því við Þjóðskrá að meta viðkomandi vatnsréttindi og leggja á þau fasteignagjöld. Bæjarráð leggur áherslu á að Þjóðskrá hraði þeirri vinnu sem kostur er, svo að réttmætar tekjur geti farið að skila sér til sveitarfélagsins.

2.Ályktanir Sambands sveitarfélaga á Austurlandi 2015.

Málsnúmer 201510037Vakta málsnúmer

Bæjarráð samþykkir að vísa samþykktum SSA út til viðkomandi nefnda sveitarfélagsins til upplýsinga og umfjöllunar.

3.Úttekt slökkviliða 2015,Brunavarnir á Austurlandi.

Málsnúmer 201510033Vakta málsnúmer

Bæjarráð óskar eftir því við stjórn Brunavarna á Austurlandi að við framkomnum athugasemdum verði brugðist sem fyrst.
Bæjarráð óskar jafnframt eftir því að fá á næstunni fund með fulltrúum stjórnar og slökkviliðsstjóra, í tengslum við bæjarráðsfund til að fara yfir málið.

4.Til umsagnar 15. mál frá nefndasviði Alþingis

Málsnúmer 201510032Vakta málsnúmer

Bæjarráð mun ekki veita umsögn um málið.

5.Skýrsla um jafnt búsetuform barna sem búa á tveimur heimilum til umsagnar.

Málsnúmer 201510035Vakta málsnúmer

Bæjarráð leggur áherslu á það að Sambandi Ísl sveitarfélaga fari gaumgæfilega yfir skýrsluna til að greina þau áhrif sem niðurstöður hennar kunna að hafa á rekstur sveitarfélaga og réttindi og skyldur þeirra og íbúanna, svo sem barna og foreldra þeirra.

6.Eigendastefna fyrir þjóðlendur

Málsnúmer 201510053Vakta málsnúmer

Lögð fram erindi frá forsætisráðuneytinu með verkefnislýsingu um mótun eigendastefnu fyrir þjóðlendur. Jafnframt er óskað eftir ábenginum um verkefnislýsinguna.
Einnig lögð fram drög að ábendingum unnin af lögmanni sveitarfélagsins.

Bæjarráð samþykkir að fela bæjarstjóra í samráði við lögmann að svara erindinu, með vísan í framlögð drög.

7.Framtíðarskipulag Hallormsstaðaskóla.

Málsnúmer 201312036Vakta málsnúmer

Bæjarstóri fór yfir viðræður við fulltrúa Fljótsdalshrepps varðandi verðmat á lausamunum í Hallormsstaðaskóla.

Bæjarstjóra falið að ljúka málinu.

8.EBÍ Ágóðahlutagreiðsla 2015

Málsnúmer 201510060Vakta málsnúmer

Fram kom að ágóðahlutdeild Fljótsdalshéraðs á þessu ári verður 1.108.500 kr.

Fundi slitið - kl. 10:45.