Bæjarráð Fljótsdalshéraðs

484. fundur 07. október 2019 kl. 08:15 - 11:45 í fundarsal bæjarstjórnar
Nefndarmenn
  • Stefán Bogi Sveinsson varaformaður
  • Kristjana Sigurðardóttir varaformaður
  • Hannes Karl Hilmarsson bæjarfulltrúi
  • Björn Ingimarsson bæjarstjóri
  • Stefán Snædal Bragason bæjarritari
  • Gunnar Jónsson varamaður
Fundargerð ritaði: Stefán Bragason bæjarritari

1.Fjármál 2019

201901002

Björn Ingimarsson bæjarstjóri fór yfir og kynnti nokkur mál sem tengjast rekstri sveitarfélagsins fyrir bæjarráði.

2.Fjárhagsáætlun 2020 - 2023

201905074

Í vinnslu.

3.Fundargerð 874. fundar stjórnar sambandsins Íslenskra sveitarfélaga

201910014

Lagt fram til kynningar.

4.Aðalfundur fulltrúaráðs Eignarhaldsfélagsins Brunabótafélag Íslands 2019

201906109

Lagt fram til kynningar.

5.Fundargerð 268. fundar Hitaveitu Egilsstaða og Fella

201910018

Gunnar Jónsson fór yfir málefni HEF og umfjöllun síðasta fundar um nokkur mál sem þar voru til umræðu.

6.Undirbúningur vegna ályktana á haustþingi SSA 2019.

201909002

Tillögum nefnda sveitarfélagsins vísað til SSA til umfjöllunar á haustþingi.


7.Myndavélaeftirlit

201809059

Farið yfir eldra erindi um málið og þær upplýsingar sem komið hafa fram um kostnað og framkvæmd.

Eftirfarandi tillaga lögð fram:
Bæjarráð þakkar fram komnar upplýsingar frá lögreglunni á Austurlandi hvað varðar hugmyndir um myndavélaeftirlit í sveitarfélaginu.
Bæjarráð lítur svo á að um löggæsluverkefni sé að ræða, en löggæsla er á hendi ríkisins. Því er sveitarfélagið ekki reiðubúið til að leggja í kostnað vegna verkefna á borð við þetta.

Samþykkt samhljóða með handauppréttingu.

8.Frístund 2019-2020

201909022

Með vísan til óska starfshópsins samþykkir bæjarráð að lengja starfstíma hans til loka nóvember.
Fundargerðin að öðru leyti lögð fram til kynningar.

9.Af rekstrarframlagi til náttúrustofa

201910012

Tekið fyrir erindi frá Krístínu Ágústsdóttur fh. Náttúrustofu Austurlands, þar sem fram kemur að boðuð er lækkun á framlagi ríkisins til rekstrar Náttúrustofunnar fyrir árið 2020.
Bæjarráð samþykkir að fela bæjarstjóra að kanna hvaða ástæður liggja að baki þeirri ráðstöfun.

10.Styrkbeiðni til starfa vetrarins

201909134

Lagt fram erindi frá Ungt Austurland, þar sem óskað er eftir styrk frá Fljótsdalshéraði á árinu 2020 til að standa undir kostnaði við starfsemi samtakanna, svo sem vegna náms- og starfssýningarinnar Að heiman og heim.
Bæjarráð óskar eftir að fá fulltrúa samtakanna inn á fund bæjarráðs til að fylgja betur eftir beiðni félagsins.

11.Tré lífsins, minningargarðar

201909152

Erindi frá Tré lífsins, er varðar opnun minningargarða fyrir ösku látinna einstaklinga.
Bæjarráð setur sig ekki upp á móti slíkum garði, en bendir bréfritara á að setja sig í samband við skógræktendur innan sveitarfélagsins til að kanna áhuga á slíku samstarfi.

12.Bréf frá leikskólastjórnendum á Austurlandi

201910016

Farið yfir erindi frá leikskólastjórnendum á Austurlandi varðandi fjölda menntaðra leikskólakennara sem starfa hjá leikskólum í fjórðungnum.
Helga Guðmundsdóttir fræðslustjóri sat fundinn undir þessum lið og fór yfir hvernig mönnun er háttað í leikskólum sveitarfélagsins með tilliti til menntunar starfsmanna.
Bæjarráð þakkar erindið og tekur undir það sem þar kemur fram um að starfsemi leikskóla er hverju sveitarfélagi afar mikilvæg.
Erindið verður jafnframt tekið fyrir hjá fræðslunefnd sveitarfélagsins og síðan í bæjarstjórn.

13.Samþykkt um stjórn og fundarsköp Fljótsdalshéraðs

201806082

Stefán Bogi fór yfir fund sem hann og bæjarstjóri áttu í samgöngu- og sveitarstjórnaráðuneytinu varðandi breytingu á samþykktum um stjórn og fundarsköp Fljótsdalshéraðs og athugasemdir sem ráðuneytið gerði við þær.
Bæjarráð samþykkir að fela bæjarstjóra og forseta bæjarstjórnar að gera þær breytingar á áður afgreiddri samþykkt sem fram hefur komið að þurfi að gera og leggja fyrir fund bæjarráðs.
Einnig að gera drög að reglum um opna fundi nefnda sveitarfélagsins á grunni þeirra fordæma sem til eru.

14.Samráðsgátt. Frumvarp til laga um breytingu á lögum um tekjustofna sveitarfélaga, nr. 4/1995, með síðari breytingum, og sveitarstjórnarlögum nr. 138/2011

201910011

Lagt fram til kynningar.

15.Umsagnarbeiðni um frumvarp til laga um breytingu á lögum um virðisaukaskatt, nr. 50/1988 (endurgreiðsla virðisaukaskatts), 26. mál.

201909138

Bæjarráð lýsir yfir fullum stuðningi við frumvarpið og hvetur Alþingi til þess að samþykkja það sem fyrst, þannig að gildistaka þess verði 1. janúar 2020 eins og lagt er upp með.

16.Umsagnarbeiðni um frumvarp til laga um skráningu einstaklinga (heildarlög), 101.

201909139

Lagt fram til kynningar.

Fundi slitið - kl. 11:45.