Með öræfin í bakgarðinum

Dagana 24. – 25. maí 2018 verður haldin ráðstefna á Egilsstöðum á Fljótsdalshéraði undir yfirskriftinni "Með öræfin í bakgarðinum. Um tengsl hálendis og samfélags á Austurlandi." Fyrir ráðstefnunni stendur Stofnun rannsóknasetra Háskóla Íslands á Austurlandi í samvinnu við Söguslóðir Austurlands, Náttúrustofu Austurlands, Minjasafn Austurlands, Snæfellsstofu og Óbyggðasetur Íslands. Á ráðstefnunni flytja vísindamenn á sviði ýmissa fræðigreina erindi auk þess sem heimamenn leggja sitt af mörkum um sögu byggðar og öræfa fyrr og nú. 

Ráðstefnan er öllum opin og ekkert ráðstefnugjald en gestir kosta sjálfir sína gistingu og málsverði eftir eigin hentugleikum og hafa úr að velja ýmsa staði á Egilsstöðum til að kaupa sér veitingar af fjölbreyttu tagi. Ef fólk gerir sér ferð austur af þessu tilefni er ráðlegt að panta gistingu sem fyrst, og flug ef ferðast er flugleiðis.

Nánari upplýsingar veitir Unnur B. Karlsdóttir: unnurk@hi.is og sími 8919979.

* Upp á skipulag ráðstefnudagskrár eru gestir beðnir um að skrá sig. Frestur til skráningar er til 10 maí. Vinsamlega skráið þátttöku hér

 

Dagskrá

Fimmtudagur 24. maí

Hótel Hérað - fundarsalur á jarðhæð.

9:15: Mæting og afhending ráðstefnugagna.

9:30-9:40: Setning: Björn Ingimarsson bæjarstjóri.

9:40-10:20: Unnur Birna Karlsdóttir: Hreppsveiðar og sportveiðar á hreindýrum 1954-1972.

10:20-11:00: Skarphéðinn G. Þórisson: Heiðagæsir og hreindýr á hásléttu Austurlands.

11:00-11:40: Guðrún Óskarsdóttir: Gróður á hásléttu Austurlands.

11:40-12:40: Hádegishlé.

12:40-13:20: Steinunn Kristjánsdóttir: Úr Fljótsdal og suður á land.

13:20-14:00: Elsa Guðný Björgvinsdóttir: „Allt dauðlegt hlítur að deyja“ - Upplifun fólks af öskufallinu 1875.

14:00-14:40: Snorri Baldursson: Vatnajökulsþjóðgarður á heimsminjaskrá UNESCO.

14:40-15:00: Kaffihlé.

15:00-15:15: Baldur Pálsson: Lesnir valdir kaflar úr endurminningum heiðarbúa.

15:15-15.35: Hjördís Hilmarsdóttir í samstarfi við HS Tókatækni o.fl.: Heiðarbýlin - 100 ára byggðasaga. Einnig kynntur bæklingur um heiðarbýlin og vegvísa í heiðinni og hvernig hægt er að nálgast upplýsingar um heiðarbýlin og ábúendur þeirra á heimasíðu Ferðafélags Fljótsdalshéraðs.

15:35-16:15: Pallborð og umræður

Hlé.

17:00:-18:30: Móttaka í Minjasafni Austurlands í Safnahúsinu á Egilsstöðum. Ráðstefnugestum stendur til boða að skoða sýninguna „Hreindýrin á Austurlandi“ og aðrar sýningar í húsinu, í boði léttar veitingar.

 

Föstudagur 25. maí

Hótel Hérað - fundarsalur á jarðhæð.

9:20-10:00: Ívar Örn Benediktsson: Er nútíðin lykillinn að fortíðinni? Um landmótun jökla á öræfum og forna ísstrauma Norðaustur- og Austurlands.

10:00-10:40: Hreggviður Norðdahl: Myndun og saga Lagarins í kjölfar hörfunar jökla af Úthéraði og úr Fljótsdal fyrir um 12.000 árum síðan.

10:40-11:20: Esther Rut Guðmundsdóttir: Hvaða upplýsingar geymir Lögurinn um eldvirkni á Íslandi?

 

11:30-18:00: Boðið í söguferð. Fararstjórn og leiðsögumaður Baldur Pálsson frá Aðalbóli í Hrafnkelsdal.  

11:30: Lagt af stað í rútu frá Hótel Héraði og keyrt inn í Fljótsdal.

12:10-13:00: Hádegisverður í Klausturkaffi. - *Verð per mann greiðir hver fyrir sig á staðnum; 1800 kr. súpa og kaffi, en hægt að panta annað af matseðli. 

13:15-13:45: Heimsókn í Snæfellsstofu. Móttaka þjóðgarðsvarðar og kynning á starfsemi Vatnajökulsþjóðgarðs og sýning um þjóðgarðinn skoðuð.

14:15-15:45: Heimsókn í Óbyggðasafn Íslands. Móttaka staðarhaldara og kynning á starfsemi safnsins og sýningin skoðuð.

15:45: Skyggnst upp á heiði eftir gangnamönnum, hreindýraþjófum og Hrafnkeli Freysgoða, heiðagæsum og hreindýrum, þ.e. horft yfir söguslóðir og náttúru á Fljótsdalsheiði og á öræfum eins og útsýni gefst. (Varaáætlun ef veður krefst.)

17:30-18:00: Komið aftur í Egilsstaði. Ferðar- og ráðstefnulok.

Ítarleg dagskrá ráðstefnunnar, upplýsingar um fyrirlestrana.