Reglur um sí- og endurmenntun starfsmanna Fljótsdalshéraðs voru samþykktar í bæjarstjórn Fljótsdalshéraðs 3. janúar 2007, ásamt úthlutunarreglum Endurmenntunarsjóðs. Reglurnar voru settar með hliðsjón af starfsmannastefnu sveitarfélagsins og með tilvísun í kjarasamninga. Þar er fjallað um rétt starfsmanna til að hafa tækifæri til að viðhalda og efla þekkingu sína og jafnframt um að starfsmönnum er skylt að taka þátt í þeirri símenntun sem símenntunaráætlun þeirra gerir ráð fyrir. Símenntunarálag er kjarasamningsbundin greiðsla sem starfsmenn fá, en sinni þeir ekki símenntun skv. áætlun, getur komið til skerðingar á þessum greiðslum, samanber ákvæði í kjarasamningum.
Fljótsdalshérað hefur verið í góðu samstarfi við Þekkingarnet Austurlands um framboð á námskeiðum og öðru slíku námi sem flokkast undir sí- og endurmenntun. Þetta er unnið eftir kerfi sem nefnist Markviss ráðgjöf. Reynt er að byggja á óskum starfsmanna varðandi námsframboð, en kannanir þar um eru sendar út til þeirra með nokkurra missera millibili. Einnig eru haldin stöku námskeið og fyrirlestrar á vegum sveitarfélagsins, sem þá eru kynnt starfsmönnum sérstaklega. Varðandi námsframboð hverrar annar vísast til heimasíðu Þekkingarnetsins.
Endurmenntunarsjóður er síðan hugsaður til stuðning starfsmönnum sem hyggja á lengra nám, eða viðbótarnám af ýmsu tagi. Hægt er að skila inn umsóknum í sjóðinn tvisvar á ári í febrúar og september.  Sjá frekar reglur um sí- og endurmenntun og Endurmenntunarsjóð á heimasíðu Fljótsdalshéraðs.

Hér má sjá reglur um sí- og endurmenntun starfsmanna Fljótsdalshéraðs

Hér er hægt að nálgast umsóknareyðublað í Endurmenntunarsjóð Fljótsdalshéraðs