Félagsheimili voru oft burðarásar menningarstarfs í dreifðum byggðum landsins. Á Fljótsdalshéraði hefur verið lögð áhersla á að standa vörð um starfsemi þeirra og rekstur, þrátt fyrir bættar samgöngur og annað sem hefur breytt hlutverki þeirra nokkuð.

Á Fljótsdalshéraði eru þrjú félagsheimili starfrækt í eigu sveitarfélagsins. En það eru Iðavellir á Völlum, Arnhólsstaðir  í Skriðdal og Hjaltalundur í Hjaltastaðaþinghá. Tungubúð í Hróarstungu er í eigu Kirkjubæjarkirkju og þriggja félaga í sveitinni í kring. Haldin eru árleg þorrablót, jólaböll fyrir börn í sveitunum auk þess sem húsnæðið er notað fyrir fjölskyldusamkomur af ýmsu tagi. Ferðaþjónusta, ýmis konar fundir og námskeið hafa verið vaxandi þáttur í rekstri félagsheimilanna. Til dæmis er talsvert um að ættarmót og aðrir hópar leggi undir sig félagsheimilin um helgar á sumrin. Iðavellir eru að fá nýtt hlutverk, því reiðhöll er að rísa við húsið og verður hún tengd félagsheimilinu með tengibyggingu.

Iðavellir
Umsjónarmaður er Þorkell Sigurbjörnsson, sími 899 9028.
Sími 471 1017 - 865 8070

Arnhólsstaðir
Umsjónarmaður er Sigurður Stefánsson
Sími 471 1789

Hjaltalundur
Umsjónarmaður er Guðmundur Karl Sigurðsson
Sími: 471 3055

Tungubúð
Umsjónarmaður er Stefán Jónasson og Þóra Sigríður Gísladóttir
Sími Stefáns: 471 3036 og 863 3036
Sími Þóru: 471 2019 og 895 3019