Ferðafélag Fljótsdalshéraðs hefur valið 18 "Perlur" Fljótsdalshéraðs, tvær í hverjum hinna gömlu hreppa.  Önnur er létt og ætluð fyrir alla fjölskylduna en hin er lengri og oft efiðari.

Hjá hverri perlu er staukur með stimpli, gestabók og upplýsingum um viðkomandi Perlu.
Fólk getur keypt sér stimpilkort í Upplýsingamiðstöðinni á Egilsstöðum og í gönguferðum Ferðafélags Fljótsdalshéraðs.  Þegar fólk er búið að safna 9 stimplum, er kortunum skilað og fær þá viðkomandi viðurkenningu sem "Göngugarpur Fljótsdalshéraðs", göngukort af svæðinu og lendir jafnframt í potti sem dregið verður úr á Ormsteiti ár hvert. Sami staður má ekki vera tvisvar á stimpilkortinu.

Búið er að koma öllum stimplunum fyrir en  fólk er beðið að koma við í Snæfellsskála áður en það leggur á fjallið og koma síðan við þar aftur og fá stimpil, ef staukurinn er á kafi í snjó.

Perlur Fljótsdalshéraðs eru:

Stapavík, Stórurð
Fardagafoss, Vestdalsvatn
Valtýshellir ath. gengið utan við Gilsána, (Hátúna) Höttur
Stuttidalur, Sandfell
Hengifoss, Snæfell
Hrafnafell, Spanarhóll
Húsey, Heiðarendi
Landsendi, Þerribjörg
Hnjúksvatn, Eiríksstaðahneflar.