Welcome to the website of Touring club of Fljótsdaldshérað

Nú í vikunni kom út bæklingur um "Heiðarbýlin í göngufæri" sem er gönguleikur Ferðafélags Fljótsdalshéraðs, sveitarfélagsins Fljótsdalshéraðs og Kaupvangs menningar- og fræðaseturs Vopnfirðinga.  Bæklingurinn var borinn út á öll heimili á Fljótsdalshéraði og Vopnafirði.
Staukar eru komnir á flest býlin, en upplýsingar um framgang verkefnisins eru settar inn jafnóðum hér á síðuna undir "Heiðarbýlin".
Stimpilkortin eru seld á Upplýsingamiðstöðvunum á Egilsstöðum og Vopnafirði og einnig í Sænautaseli.

Fresta þarf vinnuhelginni í Loðmundarfirði um eina viku.  Skálinn verður reistur helgina 10. - 12. júlí.
Vonumst til að sjá sem flesta sem eru til í að eyða helgi í yndislegu umhverfi með skemmtilegu fólki.
Stjórnin

Oft er þörf en nú er nauðsyn.  Sjálfboðaliða vantar við skálabyggingu helgina 3.-5. júlí í Loðmundarfjörð.  Gist í Húsavíkurskála eða ef fólk vill þá er hægt að gista í tjaldi í Loðmundarfirði.  Frítt fæði.  Þeir sem ekki komast á eigin bílum verður útvegað far.  Fært er í Loðmundarfjörð á öllum fjórhjóladrifsbílum. 
Farið frá Upplýsingamiðstöðinni kl. 20 þann 3. júlí.  Komið til baka kl.19 þann 5. júlí.
Upplýsingar í símum 893 2858 Þórhallur, 894 2026 Þórir eða 867 4390 Jón Hávarður.

Er ekki upplagt að eyða fyrstu helginni í júli í yndislegu umhverfi með skemmtilegu fólki?

 

Við höfum verið beðin um að hjálpa við að auglýsa göngu á Gunnólfsvíkurfjall

Föstudaginn 17. júlí nk. verður gengið á Gunnólfsvíkurfjall á Langanesi. Safnast verður saman við veginn á fjallið austarlega á Brekknaheiði kl. 16:00. Tveimur tímum seinna eða kl. 18:00 mun fróður maður segja fólki frá því sem fyrir augu ber uppi á fjallinu.
Gunnólfsvíkurfjall er einkar tignarlegt þar sem það rís beint úr sjó upp í 719 m hæð og þaðan er ægifagurt útsýni. Í góðu skyggni sést þaðan allt suður til Herðubreiðar og Dyngjufjalla.

Á fjallinu er ratsjárstöð. Vegurinn upp á Gunnólfsvíkurfjall er alla jafna lokaður almenningi en þennan dag verður hann opinn frá 16:00 – 20:00 svo þarna gefst gott tækifæri til að komast upp á þetta glæsilega fjall.

Það er Ferðafélagið Norðuslóð sem stendur fyrir göngunni. Nánari upplýsingar hjá umsjónarmönnum úr göngunefnd Norðurslóðar, Ástu Laufeyju Þórarinsdóttur s. 860-7738 og Hrafngerði Elíasdóttur s. 893-3608.