...þar dundum við okkur saman
... því það er svo ósköp gaman.
Menn hafa stundum haft á orði að „Allt sé gott sem endi vel“.

Við umsjónarkennarar í 3. bekk getum heilshugar tekið undir það. Vordagarnir hafa verið unaður einn. Við fórum með nemendurna að Gálgakletti og rifjuðum upp söguna um Valtý á grænni treyju. Síðan fórum við upp í kirkjuturninn og fengum nýtt sýnishorn á bæinn okkar fallega. Hinn annan vordag hélt hópurinn upp í skóg og heimsótti útileikhúsið. Það sögðu nemendur brandara og fóru með gátur, Jafnframt var stiginn dans við undirleik þrasta og annarra smáfugla sem gera sig nú heimakomna í skóginum okkar. Leiksvæðið í Selskógi var síðan vettvangur fyrir leiki hvers konar. Vordagur hinn þriðji var ekki flókinn en frábær engu að síður því þá hjólaði allur hópurinn sem leið lá á leynistaðinn okkar við Fljótið. Við höfum gefið staðnum nýtt nafn og heitir hann hér eftir Draumavík. Það er skemmst frá því að segja að allir voru til fyrirmyndar og dásamlegt að enda veturinn brosandi út að eyrum og  dálítið blaut á milli tánna.
 Ása, Lilla og allir hinir sem hafa komið að bekknum okkar í vetur og að sjálfsögðu krakkarnir okkar í 3. bekk: Bestu þakkir fyrir góðan vetur og hittumst hress næsta haust! Fleiri myndir á myndasafninu.
Sigga og Elva.