Á vordögum höfum við verið að kynna okkur nærumhverfið.
Á mánudag gengum við í Sigfúsarlund, sem var gerður til minningar um Sigfús Sigfússon þjóðsagnaritara.

Á þriðjudaginn skoðuðum við umhverfi skólans með stækkunargleri og sáum margt skemmtilegt. Hlutir sem við sjáum daglega geta fengið aðra sýn í nærmynd. Eftir hádegið gengum við upp að Hringsjá og fengum æðislegt veður og frábært útsýni. Þar borðuðum við nestið okkar og fengum að leika okkur.

Miðvikudaginn byrjuðum við á gönguferð í Egilsstaðavík með vinabekk okkar. Þar grilluðum við brauðorma og gæddum okkur á þeim ásamt heitu kakói.

Dásamlegir dagar þessir vordagar (Fleiri myndir á myndasíðu)