Um tuttugu foreldrar og tugur barna lögðu gjörva hönd að verki við gerð útikennslustofu við Egilsstaðaskóla á laugardag. Veðrið var kannski ekki sem best, en fólk lét það ekki á sig fá og vann rösklega.

Eftir dagsverkið er komið fallegt rjóður í skógarreitinn, með vísi að eldstæði og lærdómsskýli, ásamt drenuðum stíg um svæðið. Stefnt er á fleiri vinnudaga svo nýta megi útikennslustofuna strax í haust, en á það ber að líta að þetta er verkefni sem aldrei verður lokið og svæðið mun sífellt í mótun nemenda, kennara og foreldra. Það er Foreldrafélag Egilsstaðaskóla sem leiðir gerð útikennslustofunnar.

Myndir tók Steinunn Ásmundsdóttir (fleiri myndir á myndasíðunni).