Hér koma upplýsingar fyrir nemendur og foreldra í tilvonandi 1. bekk. 

Símanúmer

Egilsstaðaskóli 4700 605
Sundlaug - Íþróttahús 4700 777

Undirbúningur skólagöngu

Skólaárið 2010-2011

Íþróttir og sund

Mötuneyti, morgunbiti

Nemendur geta keypt áskrift að ávöxtum og grænmeti í nestistímanum að morgni en þeir sem kjósa mega koma með ávexti/grænmeti að heiman.  Í hádeginu er hægt að vera í fæði - heit máltíð, einnig má koma með nesti eða fara heim.  Hádegismatarhléið er  40 mín og byrjar það kl.11:20. Hægt er að sjá matseðilinn hér á heimasíðunni.  Foreldrar geta borgað matinn á íbúagáttinni á heimasíðu sveitarfélagins  en reikningurinn vegna mötuneytis kemur þar inn einu sinni í mánuði en hægt er að fá upplýsingar um verð hjá ritara. Upplýsingar um verð á fæði, ávaxtaáskrift og mjólkuráskrift  birtast á heimasíðunni síðari hluta sumars.

Heilsdagsvistun

Veikindi og leyfi

Skólafærninámskeið

Margs er að gæta þegar litlar manneskjur hefja sitt nám, væntingarnar misjafnar bæði tilhlökkun og  kvíði. Til að vel takist til í skólabyrjun er mikilvægt að starfsfólk skólans og foreldrar  vinni vel saman. Það skiptir máli að foreldrar grunnskólabarns búi sig undir að takast á við þau verkefni sem bíða barnsins á komandi árum,  ekki aðeins fyrstu eitt til tvö árin heldur einnig hin níu.
Fyrirhugað er að hafa tvö námskeiðskvöld, 7, og 28. september, foreldrum að kostnaðarlausu.

Megintilgangur með námskeiðinu er: 

• Að kynna foreldrum  þarfir barns sem er að hefja skólagöngu og þær aðstæður sem bíða barnsins í skólanum .
• Að kynnast væntingum foreldra til skólans og miðla til foreldra  hvaða kröfur skólinn gerir til þeirra.  Þannig að foreldrar og skóli geti í sameiningu  leitað leiða til að uppfylla kröfur sem byggðar eru á eðlilegum og sanngjörnum forsendum. 
• Bæta líðan og efla velferð barnsins með aukinni  þekkingu á skólastarfi og aðstæðum barna. 
• Vinna að því að skólinn og heimilin standi saman vörð um velferð barna sem er mikilvægt í nútímasamfélagi með margskonar áreitum. 
• Stuðla að samvinnu skóla og heimila að forvörnum á ýmsum sviðum.   Ef lagður er góður grunnur strax við upphaf skólagöngu má koma í veg fyrir ýmis vandamál seinna á skólagöngunni.

Lögð verður áhersla á að kynna foreldrum skólann sem stofnun, aðstæður og þroska barna við upphaf skólagöngu; þær væntingar og kröfur sem gera má í samstarfi heimilis og skóla; réttindi og skyldur foreldra svo og skólans við foreldra og börn.
Þetta er í þriðja skipti sem Skólafærninámskeið er haldið fyrir foreldra barna í 1. bekk en slík námskeið hafa verið haldin víða um land og hafa gefist vel.

Innkaup

Innkaupalistar á námsgögnum verða birtir á heimasíðu skólans síðla sumars.

Töskur

Þegar farið er að kaupa skólatösku er ágætt að hafa í huga að fyrstu árin bera nemendur ekki mikið meira milli heimils og skóla en lestrarbók. Taskan þarf því ekki að vera mjög stór. Skólataskan ætti að vera: Endingargóð, vatnsheld, létt, hönnuð til að falla vel að líkamanum og hafa næg endurskinsmerki. Taskan ætti að vernda bakið og gera barnið vel sýnilegt í umferðinni. Einnig er gott að á skólatöskunni sé áfastur poki fyrir íþróttaföt eða sundföt.
Ráðlögð þyngd skólatösku er 10-12,5% af þyngd barnsins, þar sem taskan sjálf ætti ekki að vera þyngri en 1,5 kg. Takið barnið með þegar kaupa á skólatösku, til að velja rétta stærð og breidd og athugið hvort taskan liggur þétt að hryggnum.
Böndin þurfa að vera breið, bólstruð og stillanleg í lengd.  Æskilegt er að hafa brjóst- og mjaðmafestingar að framan.

Tengiforeldrar

Á haustin eru foreldrar fjögurra barna árgangsins útnefndir tengiforeldrar.  Í því felst að vera tengiliður milli skólans og foreldra bekkjarins.  Tengiforeldrar sjá m.a. um að skipuleggja starf foreldrahópsins og starfa með foreldrafélagi skólans. Markmiðið er að allir foreldrar verði tengiforeldrar einhvern tímann á skólagöngu barnsins.

Klæðnaður

Nemendur fara í frímínútur á hverjum degi til að fá sér ferskt loft. Nemendur þurfa því ávallt að koma í skólann klæddir til útivistar.
Útikennsla hefur aukist mikið undanfarin ár. Í mörgum bekkjum er útitími orðinn fastur liður á stundatöflu. Í þessum tímum er farið í gönguferðir, náttúran skoðuð, vinnustaðir heimsóttir (þar sem það er mögulegt) o.m.fl. Þessa daga þurfa nemendur að koma klæddir eftir veðri því alltaf er farið út þó veður sé vont.

Aukaföt 

Nauðsynlegt er að hafa aukaföt í skólanum til að grípa í. Fötin þurfa að vera í vel merktumskjóðum eða pokum.

Merkingar

Mikilvægt er að allt sem barnið tekur með sér í skólann sé vel merkt s.s. íþróttaföt, sundföt, handklæði eða annar fatnaður, skór og skólatöskur svo eitthvað sé nefnt. Á foreldradögum er óskilamunum raðað upp fyrir foreldra.